Nashik News : बॉलिवूड अभिनेते माजी खासदार गोविंदा अहुजा यांनी आज भगवान श्री. त्र्यंबकेश्वरच्या चरणी नतमस्तक होत आशिर्वाद घेतले. त्यांच्यासोबत त्यांचे बंधू किर्ती, मुलगा यश उपस्थित होते. काही दिवसांपूर्वीच गोविंदाने शिंदेसेनेत प्रवेश केला. (nashik Actor Former MP Govinda Ahuja at trimbakeshwar marathi news)

गोविंदा मुंबईतील उत्तर पश्चिम मतदारसंघातून त्यांना लोकसभेची उमेदवारी मिळणार असल्याची चर्चा होत आहे मात्र त्यांनी याबाबत बोलणे टाळले. गोविंदा यांनी २००४ मध्ये काँग्रेसच्या तिकिटावर त्यांनी केंद्रीय मंत्रि राम नाईक यांचा पराभव केल्याची चर्चा होती.  (latest marathi news)

आता पुन्हा एकदा गोविंदा राजकारणाच्या प्रवेशासाठी सज्ज झाल्याचे पहायला मिळत आहे, दरम्यान त्र्यंबकेश्वर देवस्थानच्यावतीने गोविंदाचा देवस्थानचे अध्यक्ष जीवने विश्वस्त पुरुषोत्तम कडलग, कैलास घुले आदीनी सत्कार केला.