ओझर : येथील गडाख कॉर्नर जवळ महामार्गाला संमातर असलेल्या सर्व्हिस रोडवर पिकअप गाडी व दुचाकी यांचा अपघात होऊन झालेल्या अपघातात दुचाकीस्वार जागीच ठार झाला. (Bike rider death in pick up bike accident Ozar )

काल रात्री साडे आठ ते पाऊणे नऊ वाजेच्या सुमारास अर्जुन विधाते रा. ओझर व सौरभ राजेंद्र जाधव वय, २६ रा. भगतसिंग नगर, ओझर हे दुचाकीनवरुन सर्व्हिस रोडने गडाख काँर्नर जवळून जात असताना त्याच सुमारास भाजीपाला घेऊन पिंपळगाव कडुन सर्व्हिस रोडने नाशिकच्या दिशेने जाणाऱ्या मालवाहू पीकअप (एम एच १५ जेसी ६६२०) ने गडाख कॉर्नर जवळ पिकअपच्या बाजुने जाणाऱ्या दुचाकीला गाडीचे ड्रायव्हर बाजुच्या समोरून कट बसल्याने झालेल्या अपघातात दुचाकी चालक अर्जुन विधाते हा रोडच्या बाजुला पडुन किरकोळ जखमी झाला.

सौरभ राजेंद्र जाधव याचा खांदा, छाती व, हातावरून पिकअप गाडीचे चाक गेल्याने त्यात तो गंभीर जखमी होवुन त्याचा जागीच म्रुत्यु झाला. अपघातानंतर अपघाताची खबर न देता पिकअप सह चालक पळुन गेला. याबाबत ओझर पोलिसांनी पिकअप गाडी चालका विरूद्ध गुन्हा आज उशिरा दाखल केला असुन अधिक तपास एपीआय तुषार गरुड यांचे मार्गदर्शनाखाली हवालदार बी जे आहेर करत आहेत.