नाशिक : गोदाघाटावर दुचाक्या पार्किंग केल्यानंतर त्या सुरक्षित राहतील याची कोणतीही शाश्वती देता येत नाही. सांडव्याच्या देवी मंदिर व यशवंत महाराज पटांगणावरून पार्क केलेल्या दुचाक्या अवघ्या काही मिनिटात चोरट्यांनी लंपास केल्या तर, उपनगर हद्दीतून मोपेड दुचाकीही भरदिवसा इमारतीच्या पार्किंगमधून चोरीला गेली. दुचाक्या चोरट्यांना आळा बसवा यासाठी दिवसाही पोलीस गस्त वाढवावी अशी मागणी होते आहे. (Nashik Crime 2 bike stolen from Ganga Ghat in day marathi News)

पंकज अशोक आहेर (रा. खेरवाडी, ता निफाड. सध्या रा. वासननगर, पाथर्डी फाटा) यांची ३० हजारांची होंडा शाईन दुचाक (एमएच १५ जीए ७५४४) शनिवारी ( ता. ३०) सायंकाळी पाच ते सातच्या दरम्यान गंगाघाटावरील सांडव्याच्या देवी मंदिराजवळून अज्ञात चोरट्याने चोरून नेली.

तर, अमिता सतिश काथे (रा. मधली होळी, तिवंधा लेन, जुने नाशिक) यांची ३० हजारांची ॲक्टिवा मोपेड दुचाकी (एमएच १५ एचएक्स ६५९२) शुक्रवारी (ता. २६) सकाळी दहा-साडेदहाच्या सुमारास गंगाघाटावरील यशवंत महाराज मंदिराच्या बाजुच्या पार्किंगमधून अज्ञात चोरट्याने चोरून नेली. याप्रकरणी पंचवटी पोलिसात गुन्हे दाखल करण्यात आले आहेत.

शहबाज सलिम सय्यद (रा. विहितगाव) यांची ५२ हजारांची स्प्लेंडर दुचाकी (एमएच १५ सीएफ ४६३८) रविवारी (ता. ३१) सकाळी साडेनऊ ते दुपारी पावणे चार या दरम्यान गांधीनगर येथील प्राईड ज्युपीटर अपार्टमेंटच्या पार्किंगमध्ये पार्क केली असता, अज्ञात चोरट्याने चोरून नेली. याप्रकरणी उपनगर पोलिसात गुन्हा दाखल करण्यात आला आहे.