Nashik Crime News : सिडकोतील संभाजी स्टेडिअम परिसरातून गावठी कट्टा व जिवंत काडतुसासह एकाला अटक करण्यात आली आहे. शहर गुन्हेशाखेच्या युनिट दोनच्या पथकाने सदरची कारवाई केली. गणेश पुंजाराम मते (२९, रा. मुरंबी, ता. इगतपुरी) असे अटक करण्यात आलेल्या संशयिताचे नाव आहे. ( accused arrested along with gun)

युनिट दोनचे अंमलदार स्वप्निल जुंद्रे, महेश खांडबहाले यांना संशयितांची खबर मिळाली असता, पथकाने अश्विननगरमधील संभाजी स्टेडीअमच्या गेटवर संशयित गणेशच्या मुसक्या आवळल्या. त्याची अंगझडती घेतली असता, एक गावठी कट्टा व जिवंत काडतुस असा २५ हजार ५०० रुपयांचा मुद्देमाल जप्त केला. याप्रकरणी अंबड पोलिसात गुन्हा दाखल करण्यात आला आहे.

सदरची कामगिरी युनिट दोनचे पोलीस निरीक्षक विद्यासागर श्रीमानवार यांच्या मार्गदर्शनाखाली विवेकानंद पाठक, मनोहर शिंदे, परमेश्वर दराडे, स्वप्िनील जुंद्रे, विशाल कुवर, समाधान वाजे, महेश खांडबहाले, तेजस मते, प्रवीण वानखेडे यांच्या पथकाने बजावली.