ओझर : घर बंद असल्याची संधी साधत आज्ञात चोरट्याने एक हजार लिटरच्या दोन टाक्या दोन दरवाजे , बाथरुमचा दरवाजा व 3 इलेक्ट्रिक बोर्ड (एकुण किमंत 17 हजार रूपये) काढून घेत चोरून नेले असल्याची घटना ओझर येथे घडली. दिनांक 25 एप्रिल रोजी सांयकाळी पांच ते दिनांक 30 च्या दुपारी 12 वाजेच्या दरम्यान कडू शंकर आहिरे यांचे स्वामी समर्थ नगर, पंचवड गणपती मंदिराजवळ ओझर येथील घर बंद होते. (Burglary at Ozar Unknown thieves stole doors of house )

त्या दरम्यान संधी साधत आज्ञात चोरट्याने त्यांच्या घराच्या छतावर असलेल्या एक हजार लिटरच्या दोन टाक्या किमत 10 हजार रुपये, घरातील दोन मुख्य दरवाजे कडी कोयंडासह किमत 5 हजार , बाथरुमचा एक दरवाजा किमत दिड हजार व तिन इलेक्ट्रिक बोर्ड किमत 500 रूपये असे एकूण किमंत 17 हजार रुपये किमतीच्या वस्तू काढून घेऊन चोरी करून पसार झाले.

हि बाब आहिरे यांचे 30 तारखेला निदर्शनास आली त्यानंतर कडू आहिरे यांनी वरील वस्तू चोरी झाल्याची तक्रार पोलिस ठाण्यात नोंदविल्यावरून ओझर पोलिसांनी आज्ञात चोरट्याविरुद्ध चोरीचागुन्हा दाखल केला असुन अधिक तपास हवालदार बापू आहेर करत आहेत