नाशिक : स्मार्ट रोडवर रस्त्यालगत पार्क केलेल्या कारची काच फोडून चोरट्यांनी लॅपटॉपसह बँक लंपास (Theft) केल्याचा प्रकार शनिवारी (ता. १७) भरदिवसा घडली. दीपक आहेर (रा. कळवण) यांच्या फिर्यादीनुसार, ते शनिवारी (ता. १७) काही कामानिमित्ताने नाशिकला आले होते. (Nashik Crime Car window broken and laptop looted incident on Smart Road in broad daylight marathi news)

त्यांची कार (एमएच १५ एचक्यु ७०९०) त्यांनी स्मार्ट रोडवरील महिला बँकेसमोर पार्क केली होती. अवघ्या २० मिनिटांमध्ये ते परत आले असता, त्यांच्या कारच्या चालकामागील बाजूची काच फोडलेली दिसून आली. कारच्या मागच्या सीटवर असलेली लॅपटॉपची बॅग संशयितांनी लंपास केली होती.

बॅगेत लॅपटॉप, दहा हजार रुपये व महत्त्वाचे कागदपत्रे होती. सदरची घटना शनिवारी दुपारी साडेचार वाजेच्या सुमारास घडली. भरदिवसा आणि रहदारीच्या रस्त्यावर सदरची घटना घडल्याने आश्चर्य व्यक्त होते. याप्रकरणी सरकारवाडा पोलिसात गुन्हा दाखल करण्यात आला आहे. (Latest Marathi News)