Nashik Crime News : पंचवटीतील अमृतधामजवळील करवली हॉटेलच्या आडून मधुबन लॉजमध्ये देहविक्रय अड्डा चालविणारा हॉटेल मालक तीन दिवस उलटूनही पोलिसांच्या हाती लागलेला नाही. (Madhuban Lodge owner missing)
करवली हॉटेलमधील मधुबन लॉजचा मालक प्रवीण मधुकर खर्डे (रा. नाशिक) हा छाप्याची कारवाई झाल्यापासून पसार झाला आहे. यावेळी लॉजमध्ये आढळून आलेला व्यवस्थापक मंटुकुमार सीताराम यादव (३२) याला अटक करण्यात आली. दरम्यान, चार पीडित महिलांची सुटका करण्यात आली असून त्यांना महिला वात्सल्यगृहात दाखल करण्यात आले आहे.
अमृतधामजवळील करवली हॉटेलातील मधुबन लॉजवर शहर गुन्हेशाखेच्या मध्यवर्ती गुन्हेशाखेने शनिवारी (ता १२) छापा टाकून अवैधरित्या देहविक्रीचा अड्डा उद्ध्वस्त केला होता. दरम्यान, या लॉजचा मालक खर्डे कारवाई झाल्यापासून पसार आहे. त्याचा मोबाईलही बंद असल्याने त्याचा ठावठिकाणा मिळविण्यात अडचणी येत आहेत. (latest marathi news)
खर्डेचा हॉटेलिंगचा व्वसाय
खर्डे याने काही वर्षांपासून किरकोळ कामधंदा सोडून हॉटेलिंगचा व्यवसाय थाटला. त्यात चांगले पैसे मिळतच असतानाच त्याने लोभापोटी करवली हॉटेलच्या आड मधुबन लॉजमध्ये गुजरात, झारखंड, मालेगाव व पश्चिम बंगालमधील २० ते ४३ वयोगटातील पीडितांकडून देहविक्रय व्यवसाय करवून घेतला. खर्डेला या धंद्यात कुणी पार्टनर आहे का? पीडितांना या ठिकाणी कसे आणण्यात आले, आलेल्या पैशांची विभागणी कशी केली जात होती याचा तपास पंचवटी पोलिस करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.