Nashik News : शासनाच्या इतर मागास बहुजन कल्याण विभागांतर्गत इतर मागास बहुजन कल्याण, सहाय्यक संचालक कार्यालयाच्या अधिनस्त जिल्ह्यातील मागासवर्गीय मुले, मुलींच्या शासकीय वसतीगृहांमध्ये प्रवेश सुरु आहेत. शैक्षणिक वर्ष २०२४-२५ साठी प्रवेश प्रक्रिया सुरू असून, प्रवेशासाठी इच्छुक विद्यार्थ्यांनी अर्ज २ जुलैपर्यंत सादर करावे, असे आवाहन इतर मागास बहुजन कल्याण नाशिकचे सहाय्यक संचालक सुंदरसिंग वसावे यांनी केले आहे.

वसतिगृहात प्रवेशित विद्यार्थांना निवास, दरमहा निर्वाह भत्ता, शैक्षणिक साहित्यासाठी भोजन भत्ता, डीबीटी रक्कम व गणवेश ड्रेसकोड रक्कम आदी इतर अनुषंगिक सोयी-सुविधा शासानामार्फत पुरविण्यात येतील.

वसतिगृह प्रवेशासाठी विहित नमुन्यातील अर्ज सहाय्यक संचालक, इतर मागास बहुजन कल्याण नाशिक (सामाजिक न्याय भवन परिसर), नासर्डी पुल, नाशिक- पुणे रोड, नाशिक या कार्यालयात उपलब्ध आहेत. (latest marathi news)

इच्छुक विद्यार्थांनी प्राप्त अर्ज परिपूर्ण भरून २ जुलैपर्यंत संबधित वसतिगृहात सादर करावयाचे आहेत. अधिक माहितीसाठी सहाय्यक संचालक, इतर मागस बहुजन कल्याण नाशिक (सामाजिक न्याय भवन परिसर), नासर्डी पुल, नाशिक- पुणे रोड, नाशिक या कार्यालयात संपर्क साधावा.