Nashik News : सौंदाणे (ता. मालेगाव) येथील गढकलिका व्यापारी संकुलास सोमवारी (ता. १०) रात्री नऊ वाजेच्या सुमारास भीषण आग लागली. या आगीत दोन ते तीन दुकाने जळून खाक झाली.आगीचे नेमके कारण समजू शकले नाही. आगीत माऊली मोबाईल शॉप हे पूर्णतः जळून खाक झाले आहे. रविवारी (ता.९) झालेल्या पावसामुळे दुपारपासून वीजपुरवठा खंडित झाला होता. (Fire at Gadkalika Commercial Complex in Saundane)

चोवीस तास उलटूनही वीज पुरवठा सुरळीत झाला नसल्याने, महावितरणच्या शर्तीच्या प्रयत्नानंतर रात्री वीज पुरवठा सुरळीत करण्यात आला. व्यापारी संकुलासमोर उपस्थित असलेल्या नागरिकांना आग लागल्याचे प्रथमत: लक्षात आले.

आग आटोक्यात येईपर्यंत प्रविण पवार यांच्या मालकीचे माऊली मोबाईल शॉप व श्रीकांत आहेर यांचे शिवंभु केक शॉप ही दोन दुकाने आगीत भस्मसात झाली. (latest marathi news)

मालेगाव येथील अग्निशमन दलाला पाचारण केल्यामुळे आग आटोक्यात आली. यामध्ये कुठल्याही जीवितहानी झाली नाही.

सौंदाणेतील तरुणांनी आग आटोक्यात आणण्यासाठी शर्तीचे प्रयत्न केले. व्यापारी संकुल परिसरात सर्वत्र भीतीचे वातावरण पसरले होते.