साहेब, आता थांबायचे नाय...

लोकसभा निवडणुकीसाठी नाशिक आणि दिंडोरी लोकसभा मतदारसंघातून महायुती व महाविकास आघाडीच्या उमेदवारांनी अर्ज दाखल केले आहेत. महायुती व महाविकास आघाडीने उमेदवार जाहीर केल्यावर दोन्ही मतदारसंघांतील इच्छुकांचा हिरमोड झाला.

यातील काही इच्छुकांनी निवडणुकीच्या रिंगणात उतरण्याचा निश्चिय करीत अर्ज दाखल केला आहे. दिंडोरी मतदारसंघातून माजी खासदार हरिश्चंद्र चव्हाण यांनी उमेदवारी अर्ज दाखल करीत, समर्थक व कार्यकर्त्यांचा मेळावा घेत त्यांच्याशी संवाद साधला.

यात समर्थकांनी साहेबांवर अन्याय झाल्याची भावना व्यक्त केली. काही समर्थकांनी तर, ‘काही झाले तरी, कितीही दबाब आला अन कोणीही चर्चा केली, तरी आता साहेब, थांबायचे नाय, लढायचं. नाही तर तुम्ही माघार घेऊन आमची अडचण करू नका,’ असे सांगितले.

(SAKAL Special Chalta Bolta Former MP Harishchandra Chavan filed nomination form from Dindori Constituency)