V. N. Naik Institution Election : अवघ्या सहा दिवसांवर मतदान आलेले असताना अंतिम टप्प्यात निवडणुकीला हेव्यादाव्यांची फोडणी मिळते आहे. क्रांतिवीर वसंतराव नारायणराव नाईक शिक्षण संस्थेच्या पंचवार्षिक निवडणुकीत चारही पॅनल प्रचारादरम्यान तोफ डागत असून, सभांप्रमाणेच व्हॉट्सॲप ग्रुपवरही निवडणुकांचा विषय रंगतो आहे. येत्या २७ जुलैला सकाळी आठपासून मतदानाला सुरवात होणार आहे. (important discussion of campaign claim is taking place on WhatsApp group )
अवघ्या काही दिवसांची निवडणूक उरलेली असताना, प्रचार ऐन रंगात आला आहे. यापूर्वीपर्यंत बहुतांश सर्वच पॅनलकडून ‘आस्ते कदम’ची भूमिका घेताना सावधगिरीतून प्रचार सुरू ठेवला होता. यादरम्यान पॅनलमधील उमेदवारांची निवड, तालुक्यांना दिलेले प्रतिनिधित्व, जुन्या-नव्यांची घातलेली सांगड, तसेच पॅनलचा जाहीरनामा आदींबाबत चर्चा केली जात होती. (latest marathi news)
परंतु आता अंतिम टप्प्यात मातब्बरांकडून तोफ डागली जात असून, प्रतिस्पर्धी पॅनलच्या कामगिरीविषयी, उमेदवारांविषयी हेवेदावे सुरू झालेले आहे. सभांमधील वक्तव्यांपासून पॅनलकडून घेतलेल्या भूमिका आदींविषयी थेट समाजाच्या व्हॉट्सॲप ग्रुपवरही चर्चा रंगते आहे. त्यामुळे सभासदांचे निखळ मनोरंजन सध्या सुरू असल्याचे बघायला मिळत आहे. मतदानाच्या दिवसापर्यंत हेव्यादाव्यांना अधिकच धार येण्याचीदेखील शक्यता आहे.
आदर्श आचारसंहितेचे स्मरण
सर्वच पॅनलप्रमुखांना निवडणूक मंडळातर्फे आदर्श आचारसंहितेचे स्मरण करून दिले जाते आहे. यामध्ये प्रतिस्पर्धी उमेदवारांच्या चारित्र्यावर शिंतोडे उडविण्याचे टाळावे, मतदारांना प्रलोभने देऊ नये यांसह इतर मुद्दे निश्चित केले असून, लवकरच निवडणूक मंडळातर्फे माध्यमांना व पॅनलप्रमुखांना ते उपलब्ध करून दिले जाणार असल्याचे समजते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.