Nashik News : सिन्नर तालुक्यातील नांदूर शिंगोटे येथे गेल्या दोन ते तीन दिवसापासून वेगवेगळ्या भागांमध्ये शेतकऱ्यांना बिबट्याचे दर्शन झाले तर काही ठिकाणी कुत्रे आपले भक्ष म्हणून बिबट्याने लक्ष बनवले आहे. दोन दिवसापूर्वी फॉरेस्ट खात्याच्या पायथ्याशी संचित शेळके यांच्या वस्तीवर बिबट्याने वासरू फस्त केले. (Leopard terror in Nandur Shingote area)

त्यानंतर नाशिक पुणे मार्गावर एका बिबट्याला वाहनाने उडविले. त्यानंतर मंगळवारी रात्री आठ वाजता मानोरी बायपास या ठिकाणी मेंगाळ यांच्या वस्ती नजीक बिबट्याने पाळीव कुत्र्यावर हल्ला करून कुत्रा पळवला व कुत्र्याला ठार मारले.

यानंतर सदरचा बिबट्या शेजारीच असलेल्या शेतामध्ये बिन्धिक्तपणे बसून राहिला. शेतकऱ्यांनी व ग्रामस्थांनी आरडाओरडा करूनही तो शांतपणे त्या ठिकाणी बसून होता तर त्याच्यासोबत छोटा ली बिबट्याची पिल्ले सुद्धा काही शेतकऱ्यांनी बघितली आहे. (latest marathi news)

त्यामुळे निश्चितच सदरची नर नसून मादी असावी असा अंदाज आहे. सदरच्या बिबट्याच्या दर्शनामुळे या परिसरामधील शेतकऱ्यांनी रात्रभर भीतीच्या सावटाखाली रात्र जागून काढली. या परिसरामध्ये पिंजरा लावण्याची मागणी शेतकरी वर्गाने केली आहे.