Nashik NCP News : राष्ट्रवादी काँग्रेसच्या शहराध्यक्षपदी रंजन ठाकरे आणि जिल्हाध्यक्षपदी ॲड. रवींद्र पगार आणि महिला आघाडीच्या जिल्हाध्यक्षपदी प्रेरणा बलकवडे यांची नियुक्ती करण्यात आली.

तसेच जिल्हा कार्याध्यक्षपदी विष्णूपंत म्हैसधुणे व गोरख बोडके यांची, तर सामाजिक न्याय विभागाच्या प्रदेश कार्याध्यक्षपदी बाळासाहेब कर्डक यांची आणि यांची नियुक्ती झाली. (Nashik NCP News Ranjan Thackeray city president)

मुंबईतील कार्यालयात उपमुख्यमंत्री अजित पवार, प्रदेशाध्यक्ष सुनील तटकरे, अन्न-नागरीपुरवठा मंत्री छगन भुजबळ यांच्या हस्ते नवनियुक्त पदाधिकाऱ्यांना नियुक्तीपत्र प्रदान करण्यात आले.

यावेळी विधानपरिषदेचे माजी सभापती रामराजे निंबाळकर, माजी खासदार समीर भुजबळ, माजी आमदार शिवराम झोले, प्रदेश पदाधिकारी दिलीप खैरे, निवृत्ती अरिंगळे आदी उपस्थित होते.

हेही वाचा : Credit Card फसवणूक....काय घ्याल काळजी?

राष्ट्रवादी काँग्रेसच्या विभाजनानंतर श्री. ठाकरे, श्री. पगार, सौ. बलकवडे, श्री. म्हैसधुणे यांना अजित पवार यांच्या राष्ट्रवादी काँग्रेसमध्ये पुन्हा पूर्वीची पदे देण्यात आली आहेत.

श्री. म्हैसधुणे यांच्यावर सिन्नर व देवळाली विधानसभा मतदारसंघाची, तर श्री. बोडके यांच्यावर इगतपुरी, त्र्यंबकेश्‍वर, दिंडोरी, पेठ व सुरगाणा तालुक्याची संघटनात्मक जबाबदारी सोपवण्यात आली.