मनसे पक्षाच्या स्थापनेनंतर पहिल्यांदाच पक्षाचा वर्धापन दिन राज ठाकरे मुंबई बाहेर अर्थातच नाशिकमध्ये साजरा करत आहेत. वर्धापनदिनाच्या एक दिवस आधी राज ठाकरे (Raj Thackeray) यांनी काळाराम मंदिरात रामाचे दर्शन घेतले आणि आरतीही केली. यापूर्वी पंतप्रधान नरेंद्र मोदी आणि उद्धव ठाकरे यांसह अनेक बड्या नेत्यांनी काळाराम मंदिरात पूजा केली आहे. (nashik Raj Thackeray Nashik daura marathi news)

येत्या निवडणुकांच्या पार्श्वभूमीवर प्रभू श्रीराम सर्वच नेत्यांच्या अजेंड्यावर आहेत, त्यामुळे कोणी अयोध्येला तर कोणी नाशिकमध्ये येऊन रामाला साकडं घालत आहेत. मनसे पक्षाच्या स्थापनेनंतर नाशिक मनसेचा बालेकिल्ला राहिला आहे, त्यामुळे राज ठाकरेंनी आज काळाराम मंदिरात केलेल्या आरतीने त्यांना प्रभू श्रीराम पावणार का आणि पुन्हा एकदा ते बालेकिल्ला काबीज करतील का अशा चर्चा मंदिरा बाहेर जमलेल्या गर्दीमध्ये रंगल्या होत्या. (Latest Marathi News)