Nashik Railway : वाशिंद रेल्वेस्थानकाजवळ ओव्हरहेड वायरचा पोल खचल्याने रेल्वेचा ओव्हरहेड वीजपुरवठा बंद झाला. परिणामी, या मार्गावरील जाणारी व येणारी वाहतूक ठप्प झाली. यामुळे रेल्वे प्रशासनाने अनिश्‍चित काळासाठी रेल्वेसेवा बंद झाल्याची घोषणा केल्याने प्रवाशांमध्ये एकच खळबळ उडाली. मनमाड स्थानकातून मुंबईकडे जाणाऱ्या प्रवासी रेल्वेगाड्या पुणेमार्गे वळविण्यात आल्या. गाडी क्र. १२०७२ हिंगोली-छत्रपती शिवाजी महाराज टर्मिनस जनशताब्दी एक्स्प्रेस रद्द करण्यात आल्याची माहिती रेल्वे प्रशासनाने दिली. (train diverted from Manmad to Pune many passengers inconvenienced )

शनिवारी (ता. ६) पहाटे मध्य रेल्वेच्या कसारा ते आटगाव रेल्वेस्थानकांदरम्यान लोहमार्गावर माती ढासळल्याने मुंबईकडे जाणारी वाहतूक ठप्प झाली. रविवारी (ता. ७) सकाळच्या सुमारास लोहमार्गावरील माती काढण्याचे काम सुरू असल्याने मुंबईकडे जाणारी रेल्वे वाहतूक तीन तासांहून अधिक काळ ठप्प झाली.

मनमाडमार्गे मुंबईकडे जाणाऱ्या प्रवासी रेल्वेगाड्या मनमाड स्थानकात जवळपास दोन तासांहून अधिक वेळ थांबविण्यात आल्याने प्रवाशांचे प्रचंड हाल झाले. माती काढण्यास वेळ लागत असल्याने मनमाडमार्गे मुंबईकडे जाणाऱ्या प्रवासी रेल्वेगाड्या पुणेमार्गे वळविण्यात आल्या. काही गाड्या नाशिक, इगतपुरीपर्यंत चालविण्यात आल्या. (latest marathi news)

रद्द करण्यात आलेल्या गाड्या

हिंगोली- छत्रपती शिवाजी महाराज टर्मिनस जनशताब्दी एक्स्प्रेस, भुसावळ- इगतपुरी एक्स्प्रेस मनमाड स्थानकातून रद्द. धुळे- छत्रपती शिवाजी महाराज टर्मिनस एक्स्प्रेस नाशिक स्थानकातून रद्द.

मनमाड स्थानकातून वळविलेल्या गाड्या

१) बनारस- लोकमान्य टिळक टर्मिनस एक्स्प्रेस

२) पटना- लोकमान्य टिळक टर्मिनस एक्स्प्रेस

३) गोरखपूर- लोकमान्य टिळक टर्मिनस एक्स्प्रेस

४) हटिया- लोकमान्य टिळक टर्मिनस एक्स्प्रेस