Nashik Fraud Crime : बनावट आधारकार्ड करून त्या आधारे मोबाईल सिम कार्ड शासनाची व मोबाईल कंपन्यांची फसवणूक करतानाच, टी २० सामन्यावर ऑनलाईन जुगार,सट्टा खेळणाऱ्या दोघांना अटक करण्यात आली आहे. भव्य चैतन्य दवे (वय २५, अमिशा अपार्टमेंट,ए वींग,३०३, अँलमरोड, शगुन हाँटेल जवळ, दहिसर मुंबई, आणि जतिन नविन सहा (वय ४१, मीत आर्केड,रूम नं.३०२,सिव्हील हाँस्पीटल जवळ,धोबी अली,चरई,ठाणे) अशी संशयितांची नावे आहेत. ( Two arrested for cheating by making fake SIM card and Aadhaar card )

या दोघांनी व त्यांच्या सहकाऱ्यांनी संगनमत करून त्यांचे बनावट नावाने आधारकार्ड बनवून हाँटेल हब मध्ये ते त्यांचे खरे नाव असल्याचे भासवून खोटे सांगून सदर फूड हब लॉजिंग मधील रूम बुक केली त्या रुममधून त्यांच्या जवळील मोबाईलद्वारे वेगवेगळया आय.डी.व्दारे इतर बुकींसोबत सध्या सुरू असलेल्या सन रायजर्स हैद्राबाद विरूध्द राजस्थान रॉयल्स आय.पी.एल.टी.२०सामन्यावर ऑनलाइन जुगार,सट्टा खेळण्याच्या आरोपावरून नाशिक ग्रामिण पोलिसांनी त्यांना रंगेहात पकडले.

शुक्रवारी रात्री सव्वा नऊच्या सुमारास हॉटेल फूड हब लाँजिंग बोर्डिंग येथे त्यांच्याकडे सापडलेल्या मोबाईल फोन व सिमकार्ड हे दुसऱ्या व्यक्तीच्या नावाचे असून सिमकार्ड व आधारकार्ड हे दवे व सहा यांनी बनावट तयार करून त्यांनी फसवणूक केल्या प्रकरणी गुन्हा दाखल करण्यात आला आहे. अधिक तपास सहाय्यक पोलिस उपनिरिक्षक गणेश शिंदे हे करीत आहे

स्थानिक पोलिस अनभिज्ञ

ओझर सारख्या ग्रामीण भागात सर्रास सट्टा बिनदिक्कत चालत असताना याविषयी माहिती गुन्हा अन्वेषण विभागाला मिळाली. त्यानुसार यांनी कारवाई करीत दोन संशयितांना अटक केली सट्टा चालविणारे संशयित याविषयी स्थानिक पोलीस अनभिज्ञ असल्याने या प्रकारा बद्दल आश्चर्य व्यक्त होत आहे.