नाशिक : नाशिककरांना एलपीजी रिफीलसाठी घराबाहेर पडण्याची गरज नाही. 7588888824 या क्रमांकावर एसएमएस अथवा आयवीआरएस अथवा व्हॉट्‌सऍप करून मागणी नोंदविता येईल. तसेच इंडियन ऑइल ऍप अथवा cx.indianoil.in अथवा @Paytm वरून बुक करू शकता. 

वितरण पुन्हा सुव्यवस्थित केलं जातंय

सध्या प्रमुख पेट्रोलियम उत्पादनांची मागणी कमी असतांना एलपीजी स्वयंपाकाच्या गॅसची मागणी वाढली आहे. एलपीजीची वाढती मागणी पूर्ण करण्यासाठी इंडियन ऑइल आपल्या प्रमुख रिफायनरीजमध्ये एलपीजीचे उत्पादन वाढविण्यासाठी पावले उचलत आहे. एलपीजी उत्पन्न करणारे युनिट्‌स एफसीसी- इंडमॅक्‍स आदींचे एलपीजी अधिक उत्पादन करणे, बॉटलिंग प्लांट ऑपरेशन्स आणि एलपीजी रिफील वितरण पुन्हा सुव्यवस्थित केले जात आहे. 

हेही वाचा > #Lockdown : 'ताई, खूप दिवसांनी घरचं जेवण मिळालं!'...अन् 'त्या' पोलिसांचे डोळे पाणावले​

भौगोलिक क्षेत्रातील आवश्‍यक सेवा चालू

एलपीजी ग्राहकांसाठी आपत्कालीन 1906 सेवा क्रमांक नेहमीप्रमाणे कार्यरत आहे. पुरेसा साठा उपलब्ध असून, ग्राहकांना बुकिंगची गरज भासणार नाही. राज्य सरकार, स्थानिक प्रशासनाच्या सल्ल्यानुसार भौगोलिक क्षेत्रातील आवश्‍यक सेवा चालू ठेवायच्या आहेत. 

हेही वाचा > रक्ताच्या थारोळ्यात बेशुद्ध अवस्थेत पडलेल्या 'त्या' अनोळखी तरुणाच्या मदतीला देवदूतासारखा धावून आला!