नाशिक : वैद्यकीय अभ्यासक्रमातील एम.एस.सी. इन फार्मास्युटिकल मेडिसिन, हेल्थ केअर ऍडमिनीस्ट्रेशन व मास्टर्स ऑफ पब्लिक हेल्थ (न्युट्रिशन) या पदव्युत्तर पदवी अभ्यासक्रमाची शैक्षणिक वर्ष 2020-21 च्या प्रवेशाची प्रक्रिया सुरू झाली आहे. अभ्यासक्रामांना प्रवेशाकरीता पात्र विद्यार्थ्यांना ऑनलाइन अर्ज करण्याची मुदत 22 जुलैपर्यंत असेल. 
विद्यापीठाचे कुलगुरु डॉ.म्हैसेकर म्हणाले, की आरोग्य विद्यापीठातर्फे सार्वजनिक आरोग्य पोषणशास्त्र, आरोग्य सेवा व्यवस्थापन व औषध निर्मिती क्षेत्रातील नाविण्यपुर्ण पदव्युत्तर पदवी अभ्यासक्रम सुरु केले आहेत. वैद्यकीय क्षेत्रातील विद्यार्थ्यांसाठी करीयरच्या दृष्टीने महत्वपुर्ण असणारे तसेच सार्वजनिक आरोग्य क्षेत्रात नाविण्यपुर्ण संधी उपलब्ध करुन देणारे हे अभ्यासक्रम आहेत. 

पदवी, पदविकेच्या विद्यार्क्ष्यांना प्रवेशाची संधी 
प्रति-कुलगुरु डॉ. मोहन खामंगावकर म्हणाले, की विद्यापीठाच्या मास्टर इन पब्लिक हेल्थ न्युट्रिशन पदव्युत्तर पदवी अभ्यासक्रमात विद्यार्थ्यांना पोषणविषयक विशिष्ट कार्यक्रमाचे सुयोग्य नियोजन, व्यवस्थापन, प्रत्यक्ष कृती आणि करण्यात आलेल्या उपक्रमांचे मूल्यमापन अशा सर्व व्यवस्थापकीय कौशल्याचे ज्ञान मिळत असल्याने हा अभ्यासक्रम उपयुक्‍त आहे. 
कुलसचिव डॉ. कालिदास चव्हाण म्हणाले, की एमबीए इन हेल्थ केअर ऍडमिनिस्ट्रेशन अभ्यासक्रमात विद्यार्थ्यांना हॉस्पिटल व्यवस्थापन, हॉस्पिटल सेवेचे सुयोग्य नियोजन, रुग्ण सेवेबाबत व्यवस्थापन आदी सर्व व्यवस्थापकीय कौशल्याचे प्रशिक्षण देण्यात येत असल्याने हा अभ्यासक्रम विद्यार्थ्यांसाठी प्रभावी ठरेल. एम.एस्सी. फार्मास्युटिकल मेडिसीन अभ्यासक्रमांतून विद्यार्थ्यांना औषध निर्मिती संदर्भातील क्‍लिनिकल ट्रायल, मेडिकल राईटिंग, फॉर्माको व्हिजीलन्स रेग्युलेटरी अफेयर्स, मेडिको मार्केटिंग, क्‍लिनिकल रिसर्च आणि क्‍लिनिकल डाटा व्यवस्थापन आदी कौशल्याचे प्रशिक्षण देण्यात येते. याकरीता सध्याची परिस्थिती व भविष्यात करियरची चांगल्या संधी उपलब्ध आहेत. 

हेही वाचा > नाशिक दत्तक घेणारे कुठे गेले?...शिवसेनेचा सवाल

हे विद्यार्थी घेऊ शकता प्रवेश 
एमबीए इन हेल्थ केअर ऍडमिनिस्ट्रेशनच्या प्रवेशकरीता आरोग्य विद्यापीठाचे विविध विद्याशाखांचे पदवी, पदविका परीक्षा उत्तीर्ण, बी.एस्सी नर्सिंग व अनुषंगिक अभ्यासक्रमाचे पदवीधर प्रवेश घेऊ शकतात. तसेच एम.एस्सी. फार्मास्युटिकल मेडिसीन अभ्यासक्रमासाठी आरोग्य विद्यापीठाचे विविध विद्याशाखांचे पदवीधर विद्यार्थी तसेचे बी.एस्सी, बी.फार्मसी परीक्षा उत्तीर्ण विद्यार्थी प्रवेश घेऊ शकतात. इच्छुक विद्यार्थ्यांना अर्ज करण्यासाठी अंतीम मुदत 22 जुलैपर्यंत असेल. केंद्रिय सामायिक परीक्षेबाबतची माहिती लवकरच विद्यापीठाचे संकेतस्थळ www.muhs.ac.in वर प्रसिध्द केली जाईल. अधिक माहितीसाठी विद्यार्थ्यांनी विद्यापीठाशी संपर्क साधण्याचे आवाहन केले आहे.  

हेही वाचा > रात्रीची वेळ..भयानक अंधार..शिक्षक चेकपोस्टवर ड्युटीवर असतानाच निघाला ६ फुटी कोब्रा!