नाशिक : कोरोनामुळे अपेक्षित वसुली होत नसल्याने महापालिकेने घरपट्टी व पाणीपट्टी थकबाकीदारांसाठी अभय योजना आणण्याचा निर्णय घेतला असून, १ नोव्हेंबरपासून योजना अमलात आणली जाईल. 

शास्तीच्या रकमेत ७५ टक्क्यांपर्यंत सवलत 

महापालिका उत्पन्नाचा प्रमुख स्रोत असलेल्या घरपट्टीतून यंदा अपेक्षित वसुली झाली नाही. नियमित व थकबाकी मिळून तीनशे कोटींच्या वर महसुलाची वसुली होणे अपेक्षित आहे. चालू आर्थिक वर्षात ६१.९६ लाख रुपये वसुली झाली. त्याचबरोबर चालू आर्थिक वर्षात पाणीपट्टीचे १०७ कोटींचे उद्दिष्ट निश्‍चित करण्यात आले होते. त्यांपैकी अवघे १५.७८ कोटी रुपये वसूल झाले. पाणीपट्टीची ७२.८२ कोटींची थकबाकी आहे. तीन टप्प्यांत योजना राबविली जाणार असून, १ नोव्हेंबर ते १५ जानेवारी २०२१ पर्यंत थकबाकी अदा केल्यास शास्तीवर ७५ टक्के सवलत दिली जाईल. १६ जानेवारी ते १५ फेब्रुवारी २०२१ पर्यंत ५० टक्के, तर १६ ते २८ फेब्रुवारी २०२१ या कालावधीत २५ टक्के सवलत दिली जाईल. 
थकबाकीदार वाढले. 

हेही वाचा > भररस्त्यात थरार! गळ्याला लावली तलवार आणि घेतले पाच लाख; नागरिकांत दहशत

मागील वर्षाच्या तुलनेत घरपट्टी थकबाकीदारांची संख्या वाढली आहे. २५ हजार ते एक लाख रुपये थकबाकी असलेले ११ हजार ६४० थकबाकीदार, तर एक लाखापेक्षा अधिक थकबाकीदार असलेले दोन हजार ६३१ थकबाकीदार आहेत. अभय योजनेचा कालावधी संपल्यानंतर महापालिकेकडून जप्तीची मोहीम राबविली जाईल. 

हेही वाचा > दुर्दैवी! शेतातील ती भातकापणी ठरली शेवटची; तरुण शेतकरीच्या बातमीने गाव हळहळले