नाशिक रोड : उपनगर येथील मातोश्रीनगर परिसरात वस्तू खरेदीसाठी रस्त्याने पायी जाणाऱ्या एका वृद्ध महिलेची चार तोळ्याची व एक लाख वीस हजार रुपये किमतीची सोन्याची पोत दुचाकीवर आलेल्या दोन चोरट्यांनी ओरबाडून नेली. (Old woman 4 tola chain Snatched Nashik Chain Snatching Crime news)

शांताबाई अरविंद रोकडे (रा. प्रगती कॉलनी, किनारा बंगला) या पतीसोबत वस्तू खरेदी करण्यासाठी जात होत्या. शांती पार्क रोडकडून पल्सर गाडीवर दोन चोरटे आले व त्यांनी शांताबाई रोकडे यांच्या गळ्यातील सोन्याची पोत खेचून पोबारा केला. घटनेनंतर चोरट्यांना पकडण्यासाठी रोकडे दांपत्याने आरडाओरडा केला, परंतु चोरटे फरार होण्यास यशस्वी झाले. याप्रकरणी उपनगर पोलिस ठाण्यात गुन्हा दाखल झाला आहे.