नाशिक : भारतातील डेबिट, क्रेडिट कार्डची माहिती डार्कवेबवर पुन्हा विक्रीस उपलब्ध झाली आहे. यंदा जवळपास चार लाख 61 हजार 976 कार्डांचा डेटा हॅकर्सना विक्रीसाठी उपलब्ध करून देण्यात आला आहे. त्यासाठी प्रतिकार्ड सुमारे नऊ डॉलरची बोली लावली जात असल्याचा धक्‍कादायक खुलासा नुकताच झालेला आहे. 

या कार्डांचे मूल्य 4.2 मिलियन डॉलर इतके 

गेल्या ऑक्‍टोबरमध्ये 13 लाख डेबिट, क्रेडिट कार्डचा डेटा जोकर्स स्टॅशवर उपलब्ध झाला होता. सायबर सुरक्षेपासून लपत हॅकर्सकडून या मौल्यवान डेटाची खरेदी डार्कवेबवर सुरू होती. ही घटना ताजी असतांनाच पुन्हा एकदा भारतीयांच्या कार्डाचा डेटा डार्कवेबवर विक्रीसाठी उपलब्ध झाला आहे. यंदा सुमारे चार लाख 61 हजार 976 कार्डांची गोपनीय माहिती विक्री केली जात आहे. यात कार्डाचा क्रमांक, सीव्हीव्ही, व्हॅलिडिटीच्या माहितीसह ग्राहकाचा ई-मेल आयडी, मोबाईल क्रमांक अशा बऱ्याच संवेदनशील माहितीचा समावेश आहे. विशेष म्हणजे दिग्गज बॅंकांच्या ग्राहकांच्या माहितीचा यात समावेश आहे. मअसल्याचे बोलले जात आहे. या पार्श्‍वभूमीवर सतर्क राहण्याची आवश्‍यकता जाणकारांकडून व्यक्‍त केली जात आहे. 

हेही वाचा > 'आई नको न रडू!'...असं म्हणत 'तो' ही रडू लागला...अन् तेवढ्यात 

सावधगिरी बाळगणे आवश्‍यक 

डेटा गळतीच्या घटना लक्षात घेता, ग्राहकांनी आपल्या कार्डबद्दलची माहिती गोपनीय ठेवणे आवश्‍यक आहे, तसेच नियमितपणे पासवर्डसह पिन क्रमांक बदलणे, सुरक्षे बाबतच्या सर्व तरतुदी करणे आवश्‍यक आहे. कार्डशी निगडित संशयास्पद व्यवहारा संबंधी माहिती कमीत कमी वेळेत संबंधित बॅंकेला कळविणेही तितकेच महत्त्वाचे आहे. 

हेही वाचा > शिवभोजनचा 'येथे' वेगळाच पॅटर्न!...लिमिटेड शिवथाळी अनलिमिटेड...