नाशिक : (लासलगाव) कांदा या शेतीमालाची देशभरात उपलब्धता व शासन स्तरावर कोणत्या ठिकाणी व्यापारी किंवा थेट शेतकरी तसेच शेतकरी उत्पादकांच्या संस्था सांघीक सहकारी व्यवस्थेकडे किती कांदा माल विक्रीस उपलब्ध आहे. याची ऑनलाईन माहिती तयार झाल्याची माहिती महाराष्ट्र राज्य पणन मंडळाचे पुणे येथील सरव्यवस्थापक सुनील पवार व नाशिक येथील पणन मंडळाचे पसरव्यवस्थापक चंद्रशेखर बारी यांनी दिली आहे. यामुळे आता शेतकऱ्यांसह व्यापाऱ्यांनाही देशभरात थेट कांदा विक्री करता येणे शक्‍य होणार आहे. 

मालवाहतूक अगर अधिक माल असेल तर थेट रेल्वेने रॅकची व्यवस्था

महाराष्ट्रात व विशेषत: नाशिक जिल्हा, पुणे, अहमदनगर, जळगाव, धुळे व सोलापूर या जिल्ह्यांत कांदा उत्पादन व बाजार समितीत विक्री होते. परंतु मजुरांअभावी बाजार समितीत लिलावावर मर्यादा आल्या आहेत. त्यामुळे देशभरात कांदा माल उपलब्धता व व्यवहार खरेदीदार व विक्रेता यात थेट फोनने अगर ऑनलाईन पध्दतीने होऊन विक्रीनंतर हा शेतीमाल खरेदी झालेल्या शहरात पोहचविण्यासाठी लागणारी मालवाहतूक अगर अधिक माल असेल तर थेट रेल्वेने रॅकची व्यवस्था करून पोहचवण्यासाठी व त्यावर नियंत्रण ठेवण्यासह समन्वय ठेवण्यासाठी राज्यानुसार वरिष्ठ अधिकारी मदत व सहकार्य करणार आहेत, असे श्री. बारी यांनी सांगीतले. 

हेही वाचा > VIDEO : शेतकऱ्याने चालविली स्वप्नांवर कुऱ्हाड.. जड अंतकरणाने तोडली उभ्या पिकासह द्राक्षबाग 

व्यापारी व शेतकरी शेतीपुरक संस्थेच्या नावाची व मालाची उपलब्धता याची माहिती शासनाच्या महाराष्ट्र राज्य कृषी पणन मंडळ वेबसाईटवर तसेच नाशिक येथील वरिष्ठ अधिकारी चंद्रशेखर बारी यांचे भ्रमणध्वनी क्रमांक +917588551724 यावर उपलब्ध असुन याचा वापर करून खरेदी विक्री करावी. काही मालखरेदी व पाठवण्यासाठी काही समस्या निर्माण झाली तर संपर्क साधावा असे आवाहनही केले आहे.  

हेही वाचा > "अंत्योदय, प्राधान्य कुटुंब योजनेंतर्गत लाभार्थ्यांना मोफत तांदूळ" - छगन भुजबळ