कसबे सुकेणे (नाशिक) : रात्री व पहाटेची थंडी, दिवसभरातील प्रचंड तापमान या बदलत्या हवामानामुळे कसबे सुकेणे व परिसरात द्राक्षबागांवर ‘उकड्या’ रोगाचा प्रादुर्भाव दिसून येत आहे. द्राक्ष पिकाबरोबरच कांदा, गहू व हरभरा या पिकांनाही या वातावरणातील बदलाचा मोठा फटका बसत असून, यामुळे शेतकरी त्रस्त झाला आहे.
परिसरातील शेतकऱ्यांसमोर नवे संकट
गेल्या पंधरवड्यात बेमोसमी पावसामुळे परिसरातील अनेक द्राक्षबागांना तडे गेले होते. या संकटातून शेतकरी सावरतोय तोच आता बदलत्या हवामानामुळे विशेषतः दुपारच्या प्रचंड तापमानामुळे द्राक्षबागांवर उकड्या रोगाचा प्रादुर्भाव मोठ्या प्रमाणात जाणवत आहे. रात्रभर थंडीमुळे द्राक्ष पिकावर दव पडत असून, दुपारच्या तापमानामुळे विपरीत परिणाम होत आहे. अगोदरच द्राक्ष पिकांवर मोठ्या प्रमाणात खर्च झाला असतानाच आता पुन्हा या रोगापासून बचावासाठी पुन्हा वेगवेगळी औषधे फवारावी लागत आहे. तर झाडांवर साड्या टाकून सावली करणे, द्राक्षघडाभोवती कागद लावणे यामुळे खर्च वाढला आहे. दिवसा थंडी नसल्यामुळे हरभरा, गहू व कांदा पिकांवर या प्रतिकूल वातावरणाचा परिणाम होत आहे.
या वर्षी कधी नव्हे असे वातावरण बदलत असल्याने द्राक्ष पिकांसाठी हे वातावरण प्रतिकूल आहे. त्यामुळे उकड्या रोगाचा प्रादुर्भाव रोखण्यासाठी शेतकऱ्यांनी फ्रूट गार्ड औषध फवारणी, उष्णतेपासून बचावासाठी द्राक्षाभोवती पेपर गुंडाळणे व सावलीसाठी झाडांवर साड्यांची सावली करणे आवश्यक आहे. - वासुदेव काठे, समन्वयक, द्राक्ष प्रयोग परिवार
हेही वाचा > ''माझ्या बायकोला आधी वाचवा हो'', रक्ताच्या थारोळ्यात पडलेल्या नवऱ्याचा आक्रोश; दुर्देवी घटना
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.