नाशिक : पंचवटी विभागातील जलशुद्धीकरण केंद्रांच्या आवारात रॉ वॉटर जलवाहिनीचा वॉल दुरुस्तीचे काम हाती घेतले जाणार आहे. त्यामुळे पंचवटी विभागातील प्रभाग एक, चार, पाच व सहामधील परिसर तसेच प्रभाग क्रमांक तीनमधील काही भागात शुक्रवारी (ता. ५) दुपारी व सायंकाळी तसेच शनिवारी (ता. ६) सकाळचा पाणीपुरवठा बंद राहणार आहे. (Panchavati water supply off for 2 days Nashik Latest marathi news)

शनिवारी दुपारचा व सायंकाळचा पाणीपुरवठा कमी दाबाने होईल. प्रभाग एकमधील म्हसरूळ परिसर, प्रभाग चार व पाचमधील संपूर्ण मखमलाबाद रोड, पेठ रोड, दिंडोरी रोड, पंचवटी गावठाण परिसर तसेच प्रभाग सहामधील संपूर्ण मखमलाबाद शिवार, रामवाडी, हनुमानवाडी परिसर तसेच प्रभाग तीनमधील हिरावाडी व लगतच्या परिसरातील नागरिकांनी नोंद घ्यावी, असे आवाहन महापालिकेच्या पाणीपुरवठा विभागाकडून करण्यात आले आहे.