नाशिक : स्मार्ट पार्किंग प्रकल्पांतर्गत शहर परिसरात प्रायोगिक तत्त्वावर ऑनस्ट्रिट व ऑफस्ट्रिट पे ऍन्ड पार्किंगसाठी वाहनतळ निर्धारित केले आहेत. या वाहनतळांवर चालकांना शुल्क अदा करावे लागणार आहे. 

निर्धारित वेळेपर्यंत वाहने उभी करता येणार

वाहतूक शाखेच्या पोलिस उपायुक्त पौर्णिमा चौगुले-श्रींगी यांनी अधिसूचना जारी केली आहे. 660 दुचाकी आणि 295 चारचाकी वाहनांसाठी ऑनस्ट्रिट पार्किंग व्यवस्था असेल, तर ऑफ स्ट्रिटसाठी 126 दुचाकी व 53 चारचाकी वाहनांसाठी वाहनतळ सुविधा उपलब्ध होईल. शहरातील विविध वर्दळीच्या ठिकाणी स्मार्ट पार्किंग उभारली आहे. या ठिकाणी शुल्क भरून वाहनचालक निर्धारित वेळेपर्यंत वाहने उभी करू शकतील. 

हेही वाचा > MPSC RESULT : नाशिकच्या उमेदवारांचा "एमपीएससी'त विविध पदांवर डंका!

या ठिकाणी ऑनस्ट्रिट पार्किंग 

शहरातील काही वर्दळीच्या ठिकाणांवर रस्त्यावर उभ्या वाहनांमुळे वाहतूक कोंडीचा प्रश्‍न निर्माण होतो. अशा ठिकाणांवर वाहतूक शाखेने ऑनस्ट्रिट पार्किंग सुविधा उपलब्ध करून दिलेली आहे. यात कुलकर्णी गार्डनजवळ, सीबीएस ते शालिमार, गाडगे महाराज पूल ते टाळकुटेश्‍वर, मॉडेल कॉलनी ते भोसला महाविद्यालय प्रवेशद्वार, पंडित कॉलनी, जेहान सिग्नल ते नेर्लेकर सर्कल, अशोक स्तंभ येथील जनावरांचे रुग्णालय अशा आठ ठिकाणांवर ऑनस्ट्रिट पार्किंग असेल. 

हेही वाचा > निर्दयीपणाचा कळस! तीन दिवसाचे बाळ टाकले शेतात...अन् मग..