नाशिक रोड : गेली काही दिवसापासून सुरू असलेल्या असलेल्या सतत पावसाने (Constant Rain) नाशिक रोड, जेल रोड, देवळाली गाव, विहीतगाव, जयभवानी रोड परिसरात तसेच नाशिक- पुणे महामार्गावरील द्वारका ते सिन्नर फाटा दरम्यान रस्त्यावर दुतर्फा खड्डे (Potholes) पडले आहे. या खड्ड्यांमधून रस्ता पार करताना वाहनधारकांना कसरत करावी लागत आहेत. (Pits on road savarkar flyover due to rain Nashik Latest monsoon Marathi News)

संततधार पावसामुळे रस्त्यावर मोठे खड्डे पडले आहे. नाशिक रोड जेलरोड, देवळालीगाव, विहीतगाव, जयभवानी रोड, छत्रपती शिवाजी महाराज चौक आदी परिसर खड्डेमय झाला आहे. नाशिक रोड येथील स्वातंत्र्यवीर विनायक दामोदर सावरकर उड्डाणपुलावर मोठ्या प्रमाणात पाणी साचत आहे. तसेच ठिकठिकाणी खड्डे झाले आहेत.

या साठलेले पाणी नागरिकांच्या अंगावर पडत असल्याने नागरिक, वाहनधारक संताप व्यक्त करत आहे. दुसरीकडे नाशिक- पुणे महामार्गावरील द्वारका ते सिन्नर फाटा दरम्यानच्या रस्त्यावर मोठे खड्डे पडले आहे. त्यामुळे वाहतूक कोंडी होत आहे. खड्डे वाचविण्यासाठी लहान- मोठे अपघात होत आहेत. प्रशासनाने त्वरित खड्डे बुजवावेत, अशी मागणी नागरिकांनी केली आहे.