नाशिक : नाशिक शहराचे पोलीस आयुक्त जयंत नाईकनवरे यांची तडकाफडकी बदली करण्यात आली. मात्र ते पदस्थापनेच्या प्रतिक्षेत होते. बदलीच्या आदेशाच्या १२ तासात त्यांची अमरावती परिक्षेत्राचे विशेष पोलीस महानिरीक्षकपदी नियुक्ती करण्यात आली आहे. गेल्या एप्रिल महिन्यात नाईकनवरे नाशिक शहर पोलीस आयुक्तपदी रुजू झाले होते. (Police Transfers jayant Naiknaware as Special Inspector General of Police Amravati Nashik News)

हेही वाचा : संयुक्त नावावरील गृहकर्जातून होईल प्राप्तीकराची बचत...

मंगळवारी (ता. १३) रात्री महाराष्ट्र पोलीस दलातील ३६ अपर संचालकांसह विशेष पोलीस महानिरीक्षक, उपमहानिरीक्षक व आयुक्तांच्या बदल्या बदल्या करण्यात आल्या आहेत. यामध्ये नाशिक परिक्षेत्राचे विशेष पोलीस महानिरीक्षक बी.जी. शेखर, नाशिकचे पोलीस आयुक्त जयंत नाईकनवरे, पुण्याचे आयुक्त अमिताभ गुप्ता, पिंपरी चिंचवडचे आयुक्त अंकुश शिंदे यांचा समावेश आहे.

नाशिकचे आयुक्त नाईकनवरे यांची अवघ्या आठ महिन्यांमध्येच तडकाफडकी बदली करण्यात आली. तर पिंपरी चिंचवडचे पोलीस आयुक्त अंकुश शिंदे हे नाशिकचे नवीन पोलीस आयुक्त असतील. नाईकनवरे हे पदस्थापनेच्या प्रतिक्षेत होते. मात्र अवघ्या बारा तासांमध्ये त्यांची नियुक्ती अमरावती परिक्षेत्राचे विशेष पोलीस महानिरीक्षकपदी करण्यात आली आहे. त्याचप्रमाणे, नाशिक परिक्षेत्राचे विशेष पोलीस महानिरीक्षक बी.जी. शेखर यांचीही बदली झाली असून ते पदस्थापनेच्या प्रतिक्षेत आहेत.