HSC Result 2023 : प्रतिकूल शारीरिक स्थिती असताना राजीवनगर येथील डे केअर सेंटर ज्युनिअर कॉलेजच्या मराठी माध्यमाच्या वाणिज्य शाखेत प्रथमेश सोमनाथ धाकतोडे या दिव्यांग विद्यार्थ्याने ६१.६७ टक्के गुण मिळवत प्रथम क्रमांक मिळवला.

प्रथमेशच्या आई- बाबांची परिस्थिती स्वतः शिकलेली जरी असले तर देखील कौटुंबिक व आर्थिक परिस्थिती बेताचीच आहे. (prathamesh pass in HSC Result 2023 to fight short sightedness)

हेही वाचा : Credit Card फसवणूक....काय घ्याल काळजी?

दोघेही पती- पत्नी व्यावसायिकाच्या खासगी कार्यालयात काम करतात. तर एकीकडे प्रथमेशची स्वतःची शारीरिक स्थिती हे अत्यंत बिकट व प्रतिकूल आहे. प्रथमेश हा अल्पदृष्टी आजाराने ग्रस्त असलेला दिव्यांग विद्यार्थी आहे.

प्रथमेशला दोन्हीही डोळ्यांनी दिसायला अत्यंत कमी. त्याची दृष्टीची क्षमता दिवसेंदिवस कमी होत जाते आहे. चष्मा असूनही त्याला स्वतःला पुस्तक पूर्णपणे डोळ्याजवळ धरून वाचावे लागते. त्यास

दोन्ही डोळ्यांनी चष्मा लावूनही अंधुकसं दिसते. लो व्हीजन या दिव्यांग प्रकारात प्रथमेश येतो. प्रथमेशला दरवर्षी डोळ्यावर डॉक्टरांकडून उपचार करून घ्यावे लागतात. या परिस्थितीवर त्याने दोन हात करीत वर्षभर सातत्यपूर्ण अभ्यास करत सर्वसामान्य विद्यार्थ्यांसमोर आदर्श ठेवला आहे. संस्थेचे अध्यक्ष ॲड ल. जि. उगावकर, सचिव गोपाळ पाटील, सहसचिव ॲड. अंजली पाटील आणि प्राचार्य शरद गीते यांनी त्याचा विशेष सत्कार करा.