Vocational Courses Admission : बहुतांश सीईटी परीक्षांचे निकाल जाहीर करण्यात आलेले आहे. हे निकाल विद्यार्थ्यांना संकेतस्‍थळावर त्‍यांचा अर्ज क्रमांक व जन्‍मतारीख दाखल करून प्राप्त करता येणार आहे.

निकाल जाहीर झाल्‍यानंतर विद्यार्थ्यांना प्रत्‍यक्ष प्रवेश प्रक्रियेची प्रतीक्षा लागून होती. ही प्रतीक्षा आता संपली असून, सीईटी सेलकडून कॅप राउंडच्‍या नोंदणीचे संभाव्‍य वेळापत्रक जाहीर केले आहे. ( process of cap round starts from 15 june nashik news)

राज्‍य सामाईक प्रवेश परीक्षा कक्षातर्फे विविध अभ्यासक्रमांच्‍या प्रवेशासाठी परीक्षा घेण्यात आली होती. कोरोना महामारीत विस्कळित झालेल्‍या वेळापत्रकानंतर यंदा प्रथमच वेळापत्रकानुसार सीईटी परीक्षा पार पडल्‍या होत्‍या.

त्‍यामुळे पुढील प्रवेश प्रक्रियादेखील वेळेतच पूर्ण होऊ शकणार आहे. दरम्‍यान मार्चपासून सीईटी परीक्षांना सुरवात झाली होती. तर नुकतीच काल (ता.११) बी.एस्सी (नर्सिंग) या अभ्यासक्रमाची सीईटी परीक्षा पार पडली.

विविध व्‍यावसायिक अभ्यासक्रमांच्‍या प्रत्‍यक्ष प्रवेश प्रक्रियेला सुरवात होते आहे. शैक्षणिक वर्ष २०२३-२४ करिता कॅप राउंड प्रक्रिया येत्‍या गुरुवार (ता.१५) पासून सुरु होणार आहे.

यामध्ये टप्‍याटप्‍याने प्रवेश फेर्यांसाठी अभ्यासक्रमनिहाय नोंदणी प्रक्रिया सुरु होईल. पहिल्‍या टप्यांत नऊ अभ्यासक्रमांच्‍या नोंदणीला सुरवात होणार आहे.

हेही वाचा : Credit Card फसवणूक....काय घ्याल काळजी?

ऑनलाइन नोंदणी सुरु होण्याचे टप्पे असे-

- १५ जूनपासून- एमबीए/एमएमएस, एमसीए, एलएलबी (पाच वर्षे), बीए/बी.एस्सी.बी.एड.(इंटिग्रेटेड ४ वर्षे), बी.एड.-एम.एड.,बी.एस्सी (कृषी), अभियांत्रिकी (बीई./बी.टेक), औषधनिर्माणशास्‍त्र (बी.फार्मसी), एम. फार्मसी.

- १६ जूनपासून- हॉटेल मॅनेजमेंट (बी.एमएचसीटी), बी.प्‍लॅनिंग, बी.एड ॲण्ड ईएलसीटी, एम.एड., बी. डिझाईन, पदव्‍युत्तर अभियांत्रिकी (एमई/एम.टेक.).

- १८ जूनपासून- एलएलबी (तीन वर्षे), एम.पी.एड., बी.पी.एड., एम.आर्क., एम.एचएमसीटी.

- २० जूनपासून- बॅचरल ऑफ फाईन आर्ट, एम.प्‍लॅनिंग.,

- २६ जूनपासून- बी.एस्सी (नर्सिंग).