Nashik News : नाशिक लोकसभा मतदारसंघातील त्र्यंबकेश्वर, इगतपुरी, सिन्नर तसेच नाशिक तालुक्यांतील गावांमध्ये पायाभूत सुविधांची कमतरता असल्याने त्या अनुषंगाने तातडीने सुविधा उपलब्ध करून द्याव्यात, अशी मागणी नाशिक महापालिकेचे माजी सभागृह नेते दिनकर पाटील यांनी पालकमंत्री दादा भुसे यांच्याकडे निवेदनाच्या माध्यमातून केली.

पालकमंत्री भुसे यांच्या हस्ते जीवा महाला जयंती शोभायात्रेचा प्रारंभ करण्यात आला, या वेळी श्री. पाटील यांनी निवेदन दिले. (Provide facilities in villages of Nashik Lok Sabha Constituency Dinkar Patil Nashik News)

नाशिक लोकसभा मतदारसंघातील त्र्यंबकेश्वर-इगतपुरी व सिन्नर या दोन विधानसभा मतदारसंघांतील तसेच नाशिक तालुक्याशी संबंधित असलेल्या देवळाली विधानसभा मतदारसंघात मोठ्या प्रमाणात पायाभूत सुविधांसंदर्भात तक्रारी आहेत.

नागरिकांना सुविधा मिळत नसल्याने अनेक अडचणींना सामोरे जावे लागते. यात प्रामुख्याने गावांमध्ये अंत्यसंस्कारांसाठी तातडीने स्मशानभूमी उपलब्ध करून द्यावी, ग्रामीण भागांत वीज व्यवस्था उपलब्ध करून द्यावी,

तसेच व्यायामशाळांत साहित्य उपलब्ध करून द्यावे, सभामंडप, विद्यार्थ्यांसाठी अभ्यासिका अशा प्रकारच्या सुविधा उपलब्ध करून द्याव्यात. या मागण्यांचे निवेदन पालकमंत्री भुसे यांना देण्यात आले.