Speaking at the Godavari River Conservation meeting, Municipal Commissioner Dr. Ashok Karanjkar.  
नाशिक

Nashik Godavari News: गोदावरीची दुरवस्था करणाऱ्यांवर दंडात्मक कारवाई; महापालिका आयुक्तांच्या सूचना

सकाळ वृत्तसेवा

Nashik Godavari News: गोदावरी नदीत सांडपाण्याचे नाले सोडणाऱ्या व्यावसायिक, उद्योजक, कारखानदार, तसेच कचरा टाकणाऱ्या नागरिकांवर कठोर दंडात्मक कारवाईच्या सूचना महापालिकेचे आयुक्त डॉ. अशोक करंजकर यांनी दिल्या.

विभागीय आयुक्त राधाकृष्ण गमे यांच्या निर्देशानुसार गोदावरी प्रदूषण नियंत्रण उपसमितीची मासिक बैठक झाली. त्याअनुशंगाने गोदावरी प्रदूषणाचा आढावा घेण्यासाठी महापालिका मुख्यालयात आयुक्त डॉ. करंजकर यांच्या अध्यक्षतेखाली बैठक झाली. गोदावरी प्रदूषण नियंत्रणाबाबत नियमित आढावा घेण्यात आला. (Punitive action against Godavari pollution nashik news)

आयुक्त डॉ. करंजकर यांनी गोदावरी नदीचे प्रदूषण टाळण्याच्या दृष्टीने विविध उपाययोजना करण्याच्या सूचना संबंधित विभागांना दिल्या. गोदावरी नदीपात्रात सांडपाणी मिश्रित होऊ नये, या दृष्टीने उपाययोजना करण्यात याव्या, त्याचे नियोजन करावे, गोदावरी नदीत सांडपाणी सोडणारे व्यावसायिक, उद्योजक, कारखानदार व कचरा टाकणाऱ्या नागरिकांवर कठोर कारवाई करण्यात यावी, असे निर्देश संबंधित विभागांना दिले.

या पार्श्वभूमीवर नंदिनी नदीचा अंबड लिंकरोडवरील पूल, शिवम थेटर येथील पूल, गोरक्षनाथ पूल, सद्‍गुरूनगरजवळील चिखली नाला, गंगापूर रोड येथील चिखली नाला, परीचा बाग येथील गोदावरी किनार, चोपडा लॉन्सजवळील नाला आदींसह इतर नाल्यांचे पाणी गोदावरी प्रदूषित होऊ नये, यासाठी पाहणी केली.

गोदावरी नदीत सांडपाणी मिश्रित होणार नाही याबाबत दक्षता घेऊन त्या संदर्भातील उपाययोजना करावी व त्याबाबतचे काम करणेबाबत तातडीने प्रस्ताव सादर करण्याचे निर्देश आयुक्त डॉ. करंजकर यांनी दिले.

बैठकीला माहिती उपसंचालक ज्ञानेश्वर इगवे, गोदावरी संवर्धन कक्षप्रमुख उपायुक्त डॉ. विजयकुमार मुंडे, अतिक्रमण विभागाचे उपायुक्त नितीन नेर, मलनिस्सारण विभागाचे अधीक्षक अभियंता संजय अग्रवाल, घनकचरा व व्यवस्थापन विभागाचे संचालक डॉ. आवेश पलोड, कार्यकारी अभियंता गणेश मैंड, गोदावरी कक्षाचे कार्यकारी अभियंता राजेंद्र शिंदे, जितेंद्र पाटोळे, उपअभियंता नितीन राजपूत, रवी पाटील, जितेंद्र कोल्हे, प्रशांत बोरसे, अशासकीय सदस्य निशिकांत पगारे, जिल्हा माहिती अधिकारी विलास बोडके, जनसंपर्क अधिकारी योगेश कमोद, विभागीय स्वच्छता निरीक्षक गोसावी आदी उपस्थित होते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

ESIC New Rules 2026 : कर्मचाऱ्यांसाठी मोठी बातमी! आजारपण आणि प्रसूती लाभांसाठी अर्जाची गरज नाही; पैसे थेट बँक खात्यात जमा होणार

Gadchiroli History: गडचिरोलीच्या घनदाट जंगलात इतिहासाचा खजिना! १६व्या-१७व्या शतकातील ५० वीरगळांचा शोध, शूरवीरांच्या पराक्रमाची शिल्पे उजेडात

IND A vs PAK A: भारत पाकिस्तान सामन्यात टॉसवेळी नेमकं काय घडलं? होत, मॅच रेफ्रींच्या चुकीमुळे वाद, पाकिस्तानी चाहत्यांनी केले आरोप

Water Security 2051 : पुणे महानगर प्रदेशाच्या पाणीपुरवठ्याचे दीर्घकालीन नियोजन; जलसंपदा विभागाचा २०५१ पर्यंतचा जलसुरक्षा आराखडा तयार होणार

Palodwadi Robbery: पालोदवाडीत चार चोरट्यांचा धुमाकूळ; चार घरांवर दरोडा, महिलांच्या गळ्याला चाकू लावून ३.३२ लाखांचा ऐवज लुटला

SCROLL FOR NEXT