Maratha OBC Reservation : मराठा आरक्षणाच्या मुद्यावरून ओबीसी विरुद्ध मराठा असे वातावरण निर्माण होत आहे. राज्याच्या दृष्टीने हे योग्य नसल्याची चिंता महसूलमंत्री राधाकृष्ण विखे-पाटील यांनी व्यक्त केली. (Radhakrishna Vikhe Patil statement about maratha obc reservation issue nashik news)

महसूलमंत्री विखे-पाटील शुक्रवारी (ता. १०) नाशिकमध्ये पत्रकारांशी बोलत होते. ते म्हणाले, की मराठा आरक्षणासाठी मुदत मिळाली आहे. राज्य सरकार योग्य पद्धतीने काम करीत असताना आरक्षणाच्या नावाखाली मुक्ताफळे उधळली जात आहेत.

यात सरकारमधील मंत्री किंवा बाहेरील नेत्यांचा समावेश आहे. त्यांनी सरकारला आपले काम करू द्यावे, असा टोलाही त्यांनी मंत्री भुजबळांना लगावला.

राज्याचे माजी महसूलमंत्री तथा काँग्रेस नेते बाळासाहेब थोरात हे काय बोलतात, याकडे मी लक्ष देत नसल्याची टीका त्यांनी केली. उपमुख्यमंत्री अजित पवार हे केंद्रीय गृहमंत्री अमित शहा यांच्या भेटीसाठी गेल्याचे त्यांनी समर्थन केले.