नाशिक : मैत्रीचा गैरफायदा घेत संशयिताने पीडितेला हॉटेल चंद्रलोक येथे नेले आणि जबरदस्तीने बलात्कार केला. पीडितेने प्रतिकार केला असता संशयिताने मारहाण केली. तसेच संशयिताने पीडितेच्या नकळत फोटो व व्हीडिओ काढून ते पीडितेच्या कुटूंबियांना व मित्रांमध्ये व्हारयल करण्याची धमकी दिली.
 

मैत्रीचा गैरफायदा घेत केले धक्कादायक कृत्य

जावेद युनूस शेख (२४, रा. याजगार मंजिल, लोणकरमळा, जयभवानी रोड, उपनगर) असे संशयिताचे नाव आहे. पीडितेच्या फिर्यादीनुसार, संशयित पीडितेच्या ओळखीचा असून, या मैत्रीचा गैरफायदा घेत संशयिताने पीडितेला राणेनगर परिसरातील हॉटेल चंद्रलोक येथे नेले आणि जबरदस्तीने बलात्कार केला. पीडितेने प्रतिकार केला असता संशयिताने मारहाण केली. तसेच संशयिताने पीडितेच्या नकळत फोटो व व्हीडिओ काढून ते पीडितेच्या कुटूंबियांना व मित्रांमध्ये व्हारयल करण्याची धमकी देत पीडितेकडून ७० हजार रुपये घेतले. दरम्यान, गेल्या १ तारखेला संशयिताने पीडितेला दुपारी नाशिकरोडच्या मुक्तीधाम परिसरातील लॉजवर नेऊन पुन्हा बलात्कार केला. सदरचा प्रकार २०१४ पासून सुरू आहे. याप्रकरणी संशयिताला अटक केली असून, उपनगर पोलिसात बलात्कारासह खंडणीचा गुन्हा दाखल करण्यात आला आहे. 

एकतर्फी प्रेमातून त्रास
एकतर्फी प्रेमातून अल्पवयीन मुलीला मानसिक त्रास दिल्याप्रकरणी संशयिताविरोधात विनयभंगाचा गुन्हा दाखल करण्यात आला. सोनू सोमनाथ मागभाव (२२, रा. वैद्य मळा, संभाजी चौक, उंटवाडी रोड) असे संशयिताचे नाव आहे. पीडितेच्या फिर्यादीनुसार, संशयित सोनू याने अल्पवयीन पीडित मुलीचा सतत पाठलाग करून प्रेम करण्यासाठी धमकावले. पीडितेने नकार दिला असता, संशयिताने स्वत:च्या जीवाचे बरेवाईट करून घेण्याची धमकी देत तसा प्रयत्नही केला. त्यामुळे पीडितेला मानसिक त्रास होऊन तिला जगणे मुश्‍किल केले. याप्रकरणी मुंबई नाका पोलिसात पोस्कोअन्वये गुन्हा दाखल करण्यात आला. सहाय्यक निरीक्षक साजिद मन्सुरी हे तपास करीत आहेत.

हेही वाचा >  "जगावं की मरावं'..दिव्यांग आजीबाईला आले चक्क सोळा हजारांचे वीजबिल..!

संशयिताला अटक : उपनगर पोलिसात बलात्कारासह खंडणीचा गुन्हा

उपनगर परिसरातील महिलेशी असलेल्या मैत्रीचा गैरफायदा घेत जबरदस्तीने बलात्कार केला. तसेच, नकळत फोटो व व्हिडिओ काढून ते व्हायरल करून बदनामीची धमकी देत वारंवार शारीरिक संबंध ठेवले आणि ७० हजार रुपयेही घेतल्याप्रकरणी संशयिताविरोधात गुन्हा दाखल करण्यात आला. 

हेही वाचा > पहाटेची वेळ...जुना वाडा कोसळतो तेव्हा.. अंगावर काटा आणणारी दुर्घटना..!