नाशिक : विवाहाचे आमिष दाखवून तरुणीवर तब्बल दोन वर्ष अत्याचार केल्यानंतर ऐनवेळी जातिवाचक भाष्य करीत संशयिताने लग्नास टाळाटाळ केल्याप्रकरणी युवतीच्या तक्रारीवरून एकावर गुन्हा दाखल झाला आहे. (Rape by luring marriage Nashik Crime News)

हेही वाचा : मेडिकल मॅनेजमेंटही हृदयविकारावर ठरु शकते उपाय

अंबड पोलिस ठाण्यात बलात्कार, अ‍ॅट्रोसिटीसह विविध कलमान्वये गुन्हा दाखल करण्यात आला असून, संशयितास पोलिसांनी अटक केली आहे. विशाल जगदीश परदेशी (३४, रा. पवारवाडी, प्रगतीनगर, जेल रोड) असे संशयिताचे नाव आहे.

संशयित आणि तरुणीची ओळख २०२० पासून असून, त्यांच्यातील मैत्री कालांतराने प्रेमात बदलली. युवतीला विवाहाचे आमिष दाखवीत तब्बल दोन वर्ष अत्याचार केला. नोव्हेंबर २०२२ पर्यंत हा प्रकार सुरू होता.

मात्र, दोन वर्ष उलटूनही संशयित लग्न करीत नसल्याने तरुणीने त्याच्याकडे तगादा लावला. लग्न केले तर समाजात बदनामी होईल, असे म्हणत त्याने मुलीस जातिवाचक भाष्य केले. फसवणूक झाल्याचे लक्षात येताच तरुणीने पोलिसात धाव घेतली. सहाय्यक निरीक्षक सोहेल शेख अधिक तपास करीत आहेत.