नरकोळ (जि.नाशिक) : लग्नसराई (Wedding Ceremony) संपत आली आणि आता सर्वत्र पुरणपोळी- आमरसाचा (Puranpoli-Amras) सुगंध दरवळला असून, पूर्वीसारख्या आमरसाच्या पंगती महागाईच्या (inflation) काळात दिसत नाही. घरच्या घरी पुरणपोळी- आमरसाचा आस्वाद घेतला जात असून, शहारात तर विकतच्या पुरणपोळीवर भागविले जात आहे. (readymade puran poli is ate with amras nowadays Nashik News)

आता घरी पुरणपोळी बनविण्यासाठी त्रास कोणीही सहन करीत नाही. पूर्वी या आमरस पंगतीसाठी महिलांना पहाटे उठून जात्यावर पुरण दळावे लागत. पन्नास ते साठ माणसाचे भोजन बनवावे लागत. आंबेही विकत घेण्याची गरज नव्हती. सर्व जण एकोप्याने गप्पा मारत भोजन करत. त्यामुळे जिव्हाळा, आपुलकी निर्माण होत. आजच्या धावपळीच्या जीवनात कोणी कोणाची विचारपूस करीत नसल्याने प्रेम, आपुलकी दुर गेली. त्यामुळे आमरसासारख्या पंगती दोन पावले पुढे सरकल्या. आपल्या कुटुंबाचा स्वयंपाक बनवून चार भिंतीआड विकतच्या पुरणपोळीवर आमरस होत आहे.

ग्रामीण भागातील घराघरात मात्र घरीच महिला श्रम घेऊन खापरीच्या पुरणपोळीला महत्व देऊन आमरसाचा आस्वाद घेतात. गेल्यावर्षी ५० रुपये नग, तर यंदा ६० नग याप्रमाणे पुरणपोळी मिळत आहे.