म्हसरूळ (जि. नाशिक) : कारमधून (Car) पाच लाख रुपये चोरल्याची (Stole) घटना पंचवटीत मंगळवारी (ता. २४) घडली. गंगापूर रोडवरील थत्तेनगरपासून जुना आडगाव नाका दरम्यान हुंडाई क्रेटा कारमधून पाच लाख रुपये लंपास करण्यात आले. याबाबत आडगाव नाक्यावर सम्राट वृंदावन सोसायटीत राहणाऱ्या मधुकर शंकर टिळे (वय ६०) यांनी पंचवटी पोलिस ठाण्यात तक्रार दाखल केली आहे. (Rs 5 lakh stolen from hyundai creta Nashik News)

मंगळवारी दुपारी टिळे थत्तेनगर येथे बँकेत पैसे भरण्यासाठी गेले होते. तेथे त्यांनी बँकेत पासबुक एन्ट्री केली. त्यानंतर ते गाडीचे (एमएच- १५- एचएन-९५९५) चाक पंक्चर झाल्याने जुना आडगाव नाक्यावर थांबले. गाडीत ठेवलेली पाच लाख रुपयांची रोकड चोरी झाल्याचे निदर्शनास येताच पोलिस ठाण्यात धाव घेत तक्रार दाखल केली. पोलिसांनी घटनास्थळी धाव घेतली. या वेळी सहायक पोलिस आयुक्त मधुकर गावित, पंचवटी ठाण्याचे वरिष्ठ पोलिस निरीक्षक सीताराम कोल्हे व गुन्हे शोध पथकाने धाव घेतली