नाशिक / इगतपुरी : कोरोनाच्या पार्श्‍वभूमीवर वेळोवेळी जाहीर करण्यात आलेल्या लॉकडाउनमुळे स्थगित करण्यात आलेली आरटीई प्रवेशप्रक्रिया सुरू करण्याच्या हालचाली शालेय शिक्षण विभागाने सुरू केल्या आहेत. 

शाळास्तरावर कागदपत्रांची पडताळणी; समितीच्या मान्यतेने प्रवेश 
यंदाच्या शैक्षणिक वर्षासाठी 17 मार्चला आरटीईची सोडत काढण्यात आली होती. मात्र कोरोनाच्या पार्श्‍वभूमीवर प्रवेशप्रक्रियाच बंद करण्यात आली. लॉकडाउनमुळे स्थगित करण्यात आलेली आरटीई प्रवेशप्रक्रिया 25 जूनपासून सुरू करण्याच्या हालचाली शालेय शिक्षण विभागाने सुरू केल्या आहेत. जाहीर झालेल्या सोडतीत राज्यभरात एक लाख 920 विद्यार्थ्यांची निवड झाली, तर 75 हजार 465 विद्यार्थ्यांची प्रतीक्षायादी जाहीर करण्यात आली. या सर्व विद्यार्थ्यांना मेसेज पाठविण्यात आले आहेत. सद्यःस्थितीत पडताळणी केंद्रावर पडताळणी समितीकडे जाऊन कागदपत्रांची पडताळणी करणे अडचणीचे आहे. त्यामुळे या शैक्षणिक वर्षासाठी शाळास्तरावर पडताळणी व संकलन करून पडताळणी समितीच्या मान्यतेने प्रवेश देण्यात यावा, अशा सूचना शिक्षण संचालकांनी दिल्या आहेत. 

हेही वाचा > धक्कादायक! लहान भावाने मोठ्या भावाच्या डोक्यात घातला दगड..जागीच ठार...कारण वाचून व्हाल थक्क..

1. आरटीई पोर्टलवर शाळेला लॉगिनला विद्यार्थ्यांची यादी दिली आहे. त्यानुसार कोणत्या तारखेला बोलवायचे हे शाळेने ठरवायचे आहे. 
2. मूळ कागदपत्रे जमा केल्यावर पालकांना अलॉटमेंट लेटरवर प्रवेश देताना त्यांच्याकडून हमीपत्र आवश्‍यक. 
3. कोरोनामुळे काही पालक मूळगावी किंवा अन्य जागी स्थलांतरित झाले असण्याची शक्‍यता आहे, त्यामुळे दिलेल्या तारखेस पालक आले नाहीत तर त्यांना पुन्हा पुढची तारीख देण्यात यावी, अशी संधी तीन वेळा द्यावी. 
4. सध्या शाळेने प्रतीक्षायादीतील पालकांना बोलवू नये. 
5. कोरोना प्रतिबंधित क्षेत्रातील शाळांनी अटी शिथिल झाल्यानंतर प्रवेशाबाबत कार्यवाही करावी. 

हेही वाचा > अंत्यविधीची सुरू होती तयारी...अन् 'ती' एक बातमी येताच सगळ्यांनाच फुटला घाम..