नाशिक : कोरोना विषाणूचा प्रादुर्भाव रोखण्यासाठी शहर पोलिस आयुक्तालय हद्दीत कलम 144 लागू करण्यात आला आहे. या कलमान्वये शहरातील शॉपिंग मॉलमधील दुकाने, चित्रपटगृहे, नाट्यगृहे, व्यायामशाळा, तरण तलाव 31 मार्चपर्यंत बंद ठेवण्याचे आदेश बजाविण्यात आले आहेत. यातून किराणा दुकाने, दूध, भाजीपाला मार्केट, औषधालय या जीवनावश्‍यक वस्तूंची दुकाने वगळण्यात आली आहेत. तसेच, व्यक्‍तिगत दुकानेही यातून वगळली असून, ही दुकाने कोणी बंद करण्याचा प्रयत्न करीत असेल, तर त्याविरोधात पोलिसांकडून कायदेशीर कारवाई केली जाईल, असेही अधिसूचनेत स्पष्ट केले आहे.

नाशिकमध्येही जमावबंदी..कोरोनामुळे आयुक्तालय हद्दीत कलम 144 

शहर पोलिस आयुक्तालयाच्या गुन्हेशाखेचे उपायुक्त लक्ष्मीकांत पाटील यांच्या आदेशान्वये शहर हद्दीत फौजदारी प्रक्रिया संहिता 1973च्या कलम 144 (1) (2) लागू करण्यात आला आहे. कोरोना विषाणूचा प्रादुर्भाव रोखण्यासाठी प्रतिबंधक उपाययोजना म्हणून हे कलम लागू करण्यात आले आहे. 

 क्लिक करा > VIDEO : जावईबापू म्हणतात.."मी गाढवावरून मिरवणार..सगळ्यांचीच जिरवणार" "शंभर वर्षांची प्रथा आहे हो!"

VIDEO : भयंकर प्रकार! निर्दयीपणे 'ते' तरुणाला भरचौकात मारत होते..अन् व्हिडीओ झाला व्हायरल..