नाशिक : दिनांक सात ते दहा नोव्हेंबर दरम्यान सागर, मध्य प्रदेश येथे होणाऱ्या पश्चिम विभागीय महिला खो खो स्पर्धेसाठी पुणे विद्यापीठाच्या संघात कौसल्या पवार हिची निवड झाली आहे. बावीस वर्षा नंतर पुणे विद्यापीठ खो-संघात निवड होणारी कौसल्या के. टी. एच. एम. कॉलेज ची विद्यार्थी आहे. राष्ट्रीय सुवर्ण पदक विजेती खेळाडू असल्याने तिला स्पोर्टस् कोट्यातून प्रवेश दिला आहे. (Selection of Nashik Kausalya pawar in Savitribai Phule Pune University Kho Kho team Nashik Sports news)

कौसल्या पवार "संस्कृती " नाशिकची खेळाडू असुन तिला गीतांजली सावळे आणि उमेश आटवणे यांनी मार्गदर्शन केले असून विद्यापीठ संघात निवड होणारी कौसल्या ही खो - खो प्रबोधिनीची पहिली खेळाडू आहे. ती जिल्हा खो खो असोसिएशन आणि जिल्हा क्रीडा अधिकारी कार्यालय संचालित छत्रपती शिवाजी महाराज क्रीडा संकुल येथील खो खो प्रशिक्षण केंद्रात नियमित सराव करते.

तिच्या यशाबद्दल जिल्हा खो खो असोसिएशनचे अध्यक्ष विश्वास ठाकूर, जिल्हा क्रीडा अधिकारी अविनाश टिळे,आजीवन अध्यक्ष रमेश भोसले, कार्याध्यक्ष आनंद गारंमपल्ली , खजिनदार सुनील गायकवाड आणि अन्य पदाधिकारी यांनी अभिनंदन केले.