Senior Women Cricket Tournament : महाराष्ट्र क्रिकेट असोसिएशनच्या राज्यस्तरीय, वरिष्ठ महिला आमंत्रितांच्या अव्वल साखळी क्रिकेट ( इन्व्हिटेशन सुपर लीग ) स्पर्धेत नाशिकने अहमदनगर संघावर १५८ धावांनी मोठा विजय मिळवला. (Senior Women Cricket iinvitational Tournament Nashik beat Ahmednagar by 158 runs Priyanka Ghodke winning century nashik news)

गरवारे मैदान , छ. संभाजी नगर ( औरंगाबाद ) येथे खेळताना प्रथम फलंदाजी मिळालेल्या नाशिकने कर्णधार प्रियांका घोडकेच्या जोरदार नाबाद १२८ धावांच्या बळावर ५० षटकांत ३ बाद २८२ धावा केल्या.

प्रियांकाला माया सोनवणे ६० ची साथ मिळाली व दोघींनी १५८ धावांची भागीदारी केली. रसिका शिंदेने नाबाद ४० धावा केल्या.

हेही वाचा : संतुलित आहारातून रोखा फॅटी लिव्हरचा आजार

विजयासाठी २८३ धावांचा पाठलाग करतांना माया सोनवणे व ऐश्वर्या वाघच्या प्रभावी गोलंदाजी समोर अहमदनगर संघ ४५ . ४ षटकांत १२४ धावांपर्यंतच मजल मारु शकला.

अहमदनगरच्या अंबिका वाटाडेने सर्वाधिक ४० धावा केल्या. माया सोनवणे व ऐश्वर्या वाघ या दोघींनी प्रत्येकी ४ तर प्रियांका घोडकेने २ बळी घेत नाशिकला १५८ धावांनी मोठा विजय मिळवून दिला.

पुढील सामना : २८ एप्रिल - नाशिक वि एम सी ए ब्ल्यु.