नाशिक : नाशिकमध्ये येत्या २२, २३ जानेवारीला शिवसेनेच्या उद्धव बाळासाहेब ठाकरे गटाचे राज्यस्तरीय खुले महाअधिवेशन होत आहे. शिवसेनाप्रमुख बाळासाहेब ठाकरे यांच्या जन्मदिनी २३ जानेवारीला सायंकाळी हुतात्मा अनंत कान्हेरे मैदानावर शिवसेना पक्षप्रमुख उद्धव ठाकरे यांची जाहीर सभा होणार आहे.
या पार्श्वभूमीवर पूर्वतयारीसाठी पक्षाचे नेते, पदाधिकाऱ्यांची बैठक हॉटेल एक्स्प्रेस इन येथे रविवारी (ता.२४) झाली. पदाधिकाऱ्यांनी त्र्यंबकरोडवरील महाशिबिर होणाऱ्या हॉटेल डेमाक्रॅसीचीही पाहणी केली. (Shiv Sena meeting planning convention Discussion of office bearers at Express Inn Hotel Nashik News)
जानेवारीत होऊ घातलेल्या शिवसेना उद्धव ठाकरे गटाचे महाशिबिर व खुल्या अधिवेशनाच्या पार्श्वभूमीवर खासदार संजय राऊत हे शनिवारी रात्री (ता.२३) नाशिकमध्ये दाखल झाले होते.
या अधिवेशनात पक्षप्रमुख उद्धव ठाकरे यांची हुतात्मा अनंत कान्हेरे मैदानावर जाहीर सभाही होणार आहे. तर, हॉटेल डेमाक्रॅसी येथे महाशिबिर होणार आहे.
पूर्वनियोजनासाठी हॉटेल एक्स्प्रेस इन येथे रविवारी (ता.२४) शिवसेना नेते सुभाष देसाई, खासदार संजय राऊत, खासदार अरविंद सावंत, खासदार विनायक राऊत, खासदार अनिल देसाई, युवासेना सचिव वरुण सरदेसाई, सचिव सूरज चव्हाण, सुप्रदा फातर्पेकर यांच्या प्रमुख उपस्थितीमध्ये बैठक पार पडली.
नियोजनाबाबत सूचना करतानाच, मार्गदर्शन केले. या बैठकीनंतर पदाधिकाऱ्यांनी त्र्यंबकरोडवरील हॉटेल डेमाक्रॅसी येथे भेट देत पाहणी केली. याठिकाणी पक्षाचे महाशिबिर होणार आहे.
उपनेते सुनील बागूल, संपर्कप्रमुख जयंत दिंडे, जिल्हाप्रमुख विजय करंजकर, नितीन आहेर, गणेश धात्रक, सहसंपर्कप्रमुख दत्ता गायकवाड, महानगरप्रमुख सुधाकर बडगुजर, विनायक पांडे, योगेश घोलप, विलास शिंदे, डी. जी. सूर्यवंशी, देवानंद बिरारी आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.