सिन्नर (जि. नाशिक) : संपुर्ण शहरात तालुक्यात दोन तीन दिवसात ढगफुटीसदृश पाऊस झाल्याने अनेक ठिकानी कोट्यवधी रुपयांची हानी झाली. कुटुंबे, दुकान याचे अतोनात नुकसान झाले पावसाने जन जिवन विस्कळीत झाले. त्याच धर्तीवर तालुक्यात सुद्धा अनेक ठिकाणी अतोनात नुकसान झाल्याने शेतकरी हवालदिल झालेला आहे अशातच सिन्नर तालुक्यातील देवपूर गावात ये जा करण्यासाठी सिन्नर खोपडी मार्गे रस्ता आहे.

गावचा रस्ता हा खोपडी सिन्नर या मुख्य रस्त्या जोडलेला आहे.तो पुल रस्ता वाहुन व तुटुन गेल्याने गावकर्यांना मोठा यक्षप्रश्न निर्माण झाला आहेत. ढगफुटीमुळे देवनदीला आलेल्या पुरामुळे देवनदीवरील अनेक ठिकाणचे पूल तुटल्याने दळणवळण ठप्प झाले आहे.देवपूर येथील देवनदीवरील पूल तुटल्याने स्मशानभूमीकडे जाणारा रस्ता बंद झाला आहे.

सुमारे दोनशे तीनशे मीटर स्मशानभूमी जवळ असताना सुमारे 15 किलोमीटर फिरून स्मशानभूमीकडे जावे लागत आहे अशातच गावातील सूर्यभान म्हसुजी गायकवाड या ग्रामस्थाच्या मृत्यूनंतर त्यांची अंत्ययात्रा स्मशानभूमीत नेण्यासाठी पर्यायी मार्गाने जावे लागले.४ ते ५ गावांच्या हद्दीतून साधारणपणे १५ किमी अंतरावरून ही प्रेतयात्रा गावच्या नदीच्या पलीकडे असलेल्या स्मशानभूमीत पोहचली.

कारण पावसाचे दिवस असल्याने अंत्यविधी करायला जागा नसल्याने अंत्यविधीसाठी सुमारे 15 किलोमीटर गावाला वळसा घालून जावे लागले तसेच राखेच्या कार्यक्रमासाठी काही नातेवाईकांनी गावाच्या अलीकडे उभे राहत कार्यक्रम हजेरी लावली तसेच अंत्यविधीसाठी पूल तुटलेल्या रस्त्यावर ग्रामस्थांनी उभे राहत श्रद्धांजली वाहिली हे दृश्य अस्मानी संकट निर्माण झाल्याने याकडे संबधित विभागाने लक्ष दयावे व लवकरच रस्ता दुरूस्ती करावे व अधिकारयांना तात्काळ दुरूस्ती करण्याचे आदेश दयावे . अशी मागणी देवपूर ग्रामस्थांकडुन करण्यात आली आहेत.

चौकट सिन्नर तालुक्यात ढगफुटी सदृश्य पावसाने हाहाकार केलेला असल्याने अनेकांची शेती, कुटुंब, घरे, दुकाने याचे कधी न भरून निघणारे नुकसान आतोनात झालेले असताना शासनाने मदत करण्याचे आश्वासन येत्या दोन दिवसात दिल्याने प्रशासन मदत कार्य करीत आहेत अशातच अनेक पूल रस्ते हे वाहून गेल्याने संबंधित प्रशासनाने लवकरात लवकर पूल रस्त्यांची पाहणी करून मदत कार्य मिळून द्यावे अशी मागणी अनेक ग्रामस्थांकडून होत आहे.

तालुक्यातील अनेक गावातील विद्यार्थ्यांना शाळेत जाण्यासाठी असणारे पूल रस्ते वाहून गेल्याने शाळेत जाण्यासाठी लांब पल्ल्याचा रस्त्यांचा आधार घ्यावा लागत आहे व सुमारे एक ते दीड तास हा शाळेत जाण्यासाठी लागत आहे विद्यार्थ्यांची गैरसोय तसेच शेतकऱ्यांची गैरसोय लक्षात घेत तालुक्यातील अनेक पुलांची व रस्त्यांची दुरुस्ती होणे खूप महत्त्वाची आहे.