नाशिक : जिल्ह्यात आतापर्यंत ६० हजार ५१९ संशयितांची स्वॅब चाचणी करण्यात आली. त्यात आतापर्यंत १५ हजार ५८५ कोरोनाबाधित आढळले असून, ४४ हजार १५० जणांचे अहवाल निगेटिव्ह आले. तपासणीतून आढळलेल्या कोरोनाबाधितांचे प्रमाण २५.७५ टक्के आहे.
आतापर्यंत ५२२ जणांचा कोरोनामुळे मृत्यू
कोरोनामुळे होणाऱ्या मृत्यूवर नियंत्रण मिळविण्याचे आव्हान प्रशासकीय व आरोग्य यंत्रणेपुढे आहे. जिल्ह्यात आतापर्यंत ५२२ जणांचा कोरोनामुळे मृत्यू झाला आहे. रविवारी मृत्यू झालेल्यांमध्ये शहरातील १३ जणांचा समावेश असून, त्यात पंचवटीतील ५३ वर्षीय पुरुष, देवळाली राजवाडा येथील ६० वर्षीय महिला, उपनगर येथील ७१ वर्षीय पुरुष, नाशिक रोड येथील ६० वर्षीय पुरुष, जुना आडगाव नाका परिसरातील ५२ वर्षीय पुरुष, अंबड लिंक रोडवरील ५२ वर्षीय पुरुष, मुंबई नाका येथील ८४ वर्षीय पुरुष, इंदिरानगर येथील ७२ वर्षीय पुरुष, आरटीओ कॉर्नरवरील ५२ वर्षीय पुरुष, हनुमानवाडीतील ६९ वर्षीय पुरुष, पाथर्डी फाटा येथील ५२ वर्षीय पुरुष, वडाळा रोडवरील ६९ वर्षीय पुरुष आणि नाशिक रोडच्या एकतानगर येथील ६१ वर्षीय पुरुषाचा समावेश आहे.
हेही वाचा > अमानुष! रक्ताच्या थारोळ्यात घरात पडलेली पत्नी..बाहेरून दरवाजा लावून निर्दयी पती फरार ..थरारक घटना
रविवारी नाशिक शहरात ४५० कोरोनाबाधित
ग्रामीण भागातील चार मृतांमध्ये येवल्यातील ७२ वर्षीय पुरुष, देवळाली कॅम्पमधील ५५ वर्षीय पुरुष, बोराळे शिवारातील ५७ वर्षीय पुरुष आणि ओझर टाउनशिप येथील ५० वर्षीय महिलेचा समावेश आहे. रविवारी आढळलेल्या कोरोनाबाधितांमध्ये नाशिक शहरातील ४५०, ग्रामीण भागातील ६७, मालेगावचे नऊ आणि जिल्हाबाह्य दोन रुग्ण आहेत, त, कोरोनावर मात केलेल्या २२९ रुग्णांमध्ये नाशिक शहरातील १३७, ग्रामीण भागातील ८०, मालेगावचे दहा आणि जिल्हाबाह्य दोन रुग्णांचा समावेश आहे. दिवसभरात शहरातील ६४२ रुग्णांसह ग्रामीणमधील ८८, मालेगावचे २४, गृहविलगीकरणा त ६५ असे एकूण ८१९ संशयित आढळून आले आहेत.
हेही वाचा > सहा फुटांच्या खड्ड्यातून आली दुर्गंधी.. गावकऱ्यांना भलताच संशय....शोध घेताच गावात एकच खळबळ
संपादन - किशोरी वाघ
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.