नाशिक : गंगाघाटावर ठिकठिकाणी स्‍मार्टसिटीअंतर्गत (Smart City Works) कामे सुरू आहे. गंगाघाटावर फरशी बसविण्याचे काम अजूनही अपूर्णच आहे. (SmartCity work is still incomplete Nashik News)

यामुळे शहरात सुरू झालेल्‍या पावसाचे पाणी साचत आहे. पावसाचे आगमन झाले आहे. गुरुवारपासून दिवसभर उकाड्याने हैराण झालेले नाशिककर सायंकाळी बरसलेल्या जलधारामुळे सुखावून गेला. मात्र, अशातच गंगाघाटावर दगडी फरशी बसविण्याचे कामे सूरू आहेत. फरशी बसविण्यासाठी दिलेल्‍या चिरा व खोलगट भाग यात पावसाचे पाणी साचत आहे. यामुळे डासांची उत्पत्तीला आमंत्रण मिळते. हे आरोग्‍याच्या दृष्‍टीने घातक आहे. निदान पावसाळापूर्व तरी गंगाघाटावरील कामे पूर्ण व्हावीत, अशी नाशिककरांची अपेक्षा आहे.