रेडगांव खुर्द (जि.नाशिक) : अगोदरच निसर्गाचा कहर, अस्मानी संकटाने शेतकरी मेटाकुटीस आलेला असताना एक दुर्दैवी घटना घडली आहे आणि त्यात नियतीचा घाला.. गुरुवारी दुपारी चांदवड तालुक्यात अनेक गावांमध्ये विजांच्या कडकडाटासह वादळी पाऊस झाला. या वेळी रंगनाथ ठाकरे आपल्या शेतात काम करीत होते. त्यावेळी त्यांच्यावर नियतीचा घाला आला.

झाडाच्या आडोशाला उभे असताना नियतीचा घाला

गुरुवारी दुपारी चांदवड तालुक्यात अनेक गावांमध्ये विजांच्या कडकडाटासह वादळी पाऊस झाला. या वेळी रंगनाथ ठाकरे आपल्या शेतात काम करीत होते. त्या वेळी ते झाडाच्या आडोशाला उभे असताना अंगावर वीज कोसळून ते जागीच गतप्राण झाले. शवविच्छेदनानंतर रात्री शोकाकुल वातावरणात अंत्यसंस्कार करण्यात आले. तसेच साळसाणे येथेही एक तरुण झाडाखाली उभा असताना झाडावर वीज कोसळल्याने त्याच्या पायांना शॉक बसल्यासारखे झाल्याने पाय बधिर झाले. त्याला लासलगाव येथील रुग्णालयात उपचारासाठी दाखल करण्यात आले आहे.  

हेही वाचा > एकुलती एक चिमुरडी झाली पोरकी! बाप अपराधी तर आई देवाघरी; सातपूरमधील दुर्दैवी घटना

अंगावर वीज पडून मृत्यू

सोनीसांगवी (ता. चांदवड) येथील रंगनाथ कचरू ठाकरे (वय ५७) या शेतकऱ्याचा अंगावर वीज पडून मृत्यू झाला. ही घटना गुरुवारी (ता. १५) दुपारी घडली.

हेही वाचा > धक्कादायक! आजोबांचे हातपाय बांधून नातूने फेकले नाल्यात; अंगावर काटा आणणारी करतूत