नाशिक : एसटी कर्मचाऱ्यांच्या राज्यस्तरीय संपात नाशिक विभागातील कर्मचाऱ्यांचा सहभाग अद्याप कायम आहे. काही कर्मचाऱ्यांना सेवा समाप्तीची नोटीस बजावल्यानंतरही संपकरी आक्रमक आहेत. त्यामुळे जिल्ह्यात सध्यातरी आंदोलनाची धार कायम असल्याची स्थिती आहे. दरम्यान, एस. टी. च्या कार्यालयीन कर्मचाऱ्यांनीही संपाला पाठिंबा दिला असल्याचे समजते.
यापूर्वी एसटी प्रशासनाने आंदोलनकर्त्या कर्मचाऱ्यांवर निलंबनाच्या कारवाईचा बडगा उगारला होता. त्यानंतरही कर्मचाऱ्यांनी माघार न घेतल्याने नरमाईची भूमिका घेत आंदोलनकर्त्यांची समजूत काढण्याचा प्रयत्न केला गेला. मात्र, त्यालाही प्रतिसाद मिळाला नाही. त्यातच मंगळवारी (ता. १६) प्रशासनाने ३८ रोजंदारी कर्मचाऱ्यांना सेवा समाप्तीची नोटीस बजावली होती.
बुधवारी (ता. १७) मात्र त्यावर कोणतीही कारवाई झालेली नाही. या दरम्यान एसटी कामगार सेनेच्या प्रादेशिक कार्यकारिणीतील पदाधिकाऱ्यांनी आंदोलनकर्त्यांची भेट घेत समजूत काढण्याचा प्रयत्न केला. मात्र, त्यास प्रतिसाद मिळाला नसल्याचे सध्यातरी बघावयास मिळत आहे. त्यातच कार्यालयीन कर्मचाऱ्यांनीही आंदोलनास पाठिंबा दर्शविल्याची माहिती मिळते आहे. त्यामुळे आंदोलन मिटण्याऐवजी आणखी चिघळण्याची शक्यता वर्तविली जाते आहे.
प्रवाशांना आधार खासगी शिवशाहीचा
दरम्यान, प्रशासनातर्फे खासगी शिवशाही बसगाड्या प्रवाशांसाठी उपलब्ध करून दिल्या जात आहेत. याअंतर्गत बुधवारी सायंकाळी सहापर्यंत पुण्यासाठी नऊ, धुळ्यासाठी सहा, तर बोरीवलीकरिता दोन बसगाड्या सोडण्यात आल्या. याशिवाय ट्रॅव्हल्सच्या बसगाड्यांचा प्रवाशांनी आधार घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.