नाशिक : मुंबई-आग्रा महामार्गावरील ज्यूपिटर हॉटेलमध्ये विवाहाचा सोहळा सोहळा सुरू होता. सर्वजण आनंदात होते. पण अचानक या आनंदात विरजण पडले. कारण विवाह सुरू असतानाच वधूपित्याला लुटले. काय घडले नेमके?
विवाहाच्या आनंदात विरजण
सुरेश बजाज यांच्या तक्रारीनुसार, त्यांच्या मुलीचा विवाह सुरू असताना मंगळवारी रात्री पावणेदहाच्या सुमारास चोरट्याने दोन लाख दहा हजारांचा सोन्याचा हार, ७० ग्रॅमचे कानातील झुमके, सहा ग्रॅमचे झुमके, पाच लाखांचा हिऱ्याचा हार, दीड लाखांची पाच सोन्याची नाणी, ११० ग्रॅमचे ११ चांदीचे शिक्के, ३५ ग्रॅमचा सोन्याचा हार, एक लाख रुपयांची रोकड, असा सुमारे दहा लाख ८३ हजारांचा ऐवज असलेली बॅगच चोरट्याने लंपास केली.
पोलिस ठाण्यात गुन्हा दाखल
मुंबई-आग्रा महामार्गावरील ज्यूपिटर हॉटेलमध्ये सुरू असलेल्या विवाहात चोरट्याने सोन्या चांदीचा ऐवज असलेला सुमारे १० लाख ८२ हजारांचा ऐवज असलेली वधूपित्याची बॅग लांबविली. या प्रकरणी सुरेश मदनलाल बजाज (वय ५५, मिरची गल्ली, बालाजी मंदिर, शहापूर, जि. ठाणे) यांच्या तक्रारीवरून इंदिरानगर पोलिस ठाण्यात गुन्हा दाखल झाला आहे.
दुसरी घटना -रिक्षा आडवी लावून युवकांना लुटले
नाशिक : जत्रा नांदूर लिंक मार्गावर रिक्षातून आलेल्या चौघांनी दुचाकीवरून चाललेल्या दोघांच्या गाडीला रस्त्यात रिक्षा (६४५४) आडवी लावून मारहाण करीत, त्यांच्याकडील पाच हजार ७०० रुपये, १६ हजारांचे दोन मोबाईल, अडीच तोळ्यांचा चांदीचा गोफ, बँकेचे एटीएम, आधारकार्ड, पॅनकार्ड असा सुमारे २३ हजार २०० रुपयांचा ऐवज बळजबरीने लुटला. या प्रकरणी रोशन रमेश निमसे (वय १९, निमसे मळा, नांदूर) याच्या तक्रारीवरून आडगाव पोलिस ठाण्यात गुन्हा दाखल झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.