नाशिक : संपाच्या पार्श्वभूमीवर महामार्ग बसस्थानकात उभ्या केलेल्या दोन शिवशाही बसची समाजकंटकांनी दगडफेक करून तोडफोड केली. याबाबत कंपनीच्या व्यवस्थापकांनी मुंबई नाका पोलिस ठाण्यात तक्रार दिली. मुंबई नाका पोलिस ठाण्यापासून अवघ्या हाकेच्या अंतरावर असलेल्या स्थानकातच बसची तोडफोड झाली.
एस.टी. कर्मचाऱ्यांच्या संपामुळे शिवशाही बसची चाके थांबली आहेत. शहरातील महामार्ग बसस्थानकात प्रसन्ना पर्पल कंपनीच्या सहा शिवशाही बस उभ्या केल्या आहेत. गुरुवारी (ता. ११) सायंकाळी दोन दुचाकींवरून आलेल्या चौघा समाजकंटकांनी दोन शिवशाही (एमएच १४, जीयू ०६३८) व (एमएच १४, जीयू ०३५८) बसवर दगडफेक केली. यामुळे एका बसची मागील काच फुटली, तर एका बसचे टेललॅम्प फुटले. बस कंपनीच्या कर्मचाऱ्यांनी चौघांना दगडफेक करताना पाहिले. नंतर त्यांनी आरडाओरडा करत समाजकंटकांचा पाठलाग केला. मात्र, चौघे पळून गेले.
दगडफेकीची माहिती कळताच प्रसन्ना पर्पल कंपनीचे अधिकारी व पोलिस अधिकाऱ्यांनी बसस्थानकात पाहणी केली.
प्रवासी सेवेबाबत संभ्रम
गुरुवारी (ता. ११) प्रवाशांची गैरसोय टाळण्यासाठी शिवशाही बस सुरू करण्यात आल्या. नंतर महामार्ग बसस्थानकात उभ्या शिवशाही बसवर दगडफेक करत तोडफोड करण्यात आल्याने आता प्रवासी वाहतुकीबाबत संभ्रम निर्माण झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.