Nashik Sula Vineyards : सुला विनियार्डस्‌ने आर्थिक वर्ष २०२३-२४ च्‍या पहिल्‍या तिमाहीचे निकाल जाहीर केले आहेत. कंपनीने यात दमदार कामगिरी करताना पहिल्या तिमाहीचे आत्तापर्यंतचे सर्वोच्च उत्पन्न आणि सर्वोच्च नफ्याची नोंद केली आहे. (Sula Vineyards reports highest revenue profit in first 3 months Nashik)

सुलाचे उत्पन्न गेल्या वर्षी याच तिमाहीत ९७ कोटी २० लाख रुपये रुपये होते. त्‍यात २१.६ टक्‍के वाढ होऊन ११८ कोटी दहा लाख रुपये उत्‍पन्न झाले आहे. वाइन विक्री ७८.३ कोटींवरून २९.८ टक्‍के वाढ नोंदवत १०१.७ कोटी रुपये झाली आहे.

वाइन पर्यटन व्यवसाय १२.३ टक्‍के वाढीसह १०.३ कोटीवरून ११.५ कोटी झाला आहे. करपूर्व उत्पन्नात २२.२ टक्‍के वाढ झाली असून, २६.१ कोटीवरून ३१.९ कोटी झाले आहे. नफ्यात २४.४ टक्‍के वाढ झाली असून, ११ कोटीवरून १३.७ कोटी रुपये नफ्याची नोंद झाली आहे.

‘सुला’चे संस्‍थापक व मुख्य कार्यकारी अधिकारी राजीव सामंत म्हणाले, की २०२३-२४ ची सुरवात चांगली झाली असून, कंपनीने पहिल्या तिमाहीचे आत्तापर्यंतचे सर्वोच्च निकाल नोंदविले आहेत.

हेही वाचा : Credit Card फसवणूक....काय घ्याल काळजी?

आमचे लक्ष्य नेहमी उच्च दर्जाची वाइन बनविणे हेच असून, याच मेहनतीचे परिणाम आहेत. एलिट आणि प्रीमियम वाइनच्या विक्रीत ३५ टक्‍यांपेक्षा अधिकची वाढ झाली आहे. वाइन पर्यटनानेदेखील दोनआकडी वाढ नोंदविली आहे.

विशेषतः टेस्टिंगच्या संख्येत झालेल्या वाढीमुळे समाधानी आहे. आमच्या टीमने वायनरीमध्ये आणि देशभरात केलेल्या टेस्टिंग संख्येत लक्षणीय वाढ झाली आहे.

नाशिकच्या रिसॉर्ट्समध्ये आता शंभराहून अधिक रूम आहेत. रूमच्या संख्येत वाढ झाल्यामुळे येत्या काही वर्षांत वाइन टुरिझम व्यवसायात आणखी वृद्धी होईल.