नाशिक : लसीकरण मोहीमेला जिल्ह्यात उद्यापासून शनिवार (ता. १६) सुरुवात होत आहे. ही प्रक्रिया मोबाईलवर राबविली जात नाही त्यामुळे मोबाईलवर संदेश पाठवून किंवा ओटीपी क्रमांक पाठवून कुणी माहीती मागत असेल तर अजिबात बळी पडू नका. मोबाईवर अनोळखी व्यक्तीने काय देवाच्या नावाने जरी कुणी ओटीपी मागितला तरी तो देऊ नका असे आवाहन जिल्हा पोलिस अधीक्षक सचिन पाटील यांनी केले.

नाशिक जिल्ह्यात उद्यापासून शनिवार (ता. १६)  लसीकरण मोहीम सुरु असून त्या मोहीमेच्या नावाखाली भामट्यांनी नागरिकांच्या मोबाईलवर संर्पक साधून ओटीपी किंवा पिनक्रमांक मागण्याचा प्रयत्न केला तर खबरदारी म्हणून हे आवाहन केले

लसीकरणासाठी ओटीपी लागत नाही. 

पाटील म्हणाले की, लसीकरण मोहीमेची माहीती जिल्हा यंत्रणेसह केंद्रीय स्तरावरुन राबविली जाते. त्याचा डेटा केंद्रीय यंत्रणेकडून जिल्हा यंत्रणेमार्फत राॆविला जातो पण यात कुठेही कुणाचा मोबाईल किंवा आधार क्रमांक मागण्याची सोय नाही. तसा मागितला जात नाही. त्यामुळे लस द्यायची आहे तुमच्या मोबाईलवर आलेला ओटीपी सांगा अशी गळ घालून किंवा तसे मेसेज कुणी गळ घालीत असेल तर अजिबात बळी पडू नका असे आवाहन केले. 

हेही वाचा > लॉजमध्ये सापडला प्रेयसीचा मृतदेह अन् घाबरलेला प्रियकर; काय घडले चार भिंतीत?

हेही वाचा >  देवी भक्ताच्या बँक खात्यावरही पडली वाईट नजर; महाराष्ट्रात परतताच प्रकार उघडकीस